Piçarra del Barrau

Piçarra del Barrau

La llamá Piçarra del Barrau, es una pizarra visigoda topá ena puebración del Barrau, nel norti dela Provincia de Caçris, duranti el sigru XIX, pol envestigaol estremeñu Vicente Paredes, gargüereñu d’origin i que hue tamién arquitetu municipal de Prasencia, quien la donó en 1889 al museu dela Academia dela Estoria, en Mairil i de cuyo catálogu a el númeru 103.

Topamientu

La destapaura desta piçarra fue completamenti casual, nel paraji conociu comu Los Arroyus. Ena çona nu s’an atopau, ata la fecha, otrus restus arqueológicus d’emportancia.

Testu

Se trata duna epístola en latín, en soporti de Piçarra, datá nel sigru VI, nel que el remitenti da una serii de consejus dela vía cotidiana al que recibi la carta.

El testu izi lo seguinte:

«Faustinu al Señol Paulo. Saludu a tu da i ti ruegu, señol, que, comu es costumbri hazel, recojas tú mesmu la azetuna. Trata d’obligal a tus siervus meyanti juramentu para que nu cometan fraudi contra ti. Cogi las copas, las varas de toza i séllalas con tu anillu i comprueba si las están engastás con la grapa, tal comu las fijé. Assina Cristu ti guardi»

Emportancia estórica

Esti tipu de piçarras tienin gran valol, pola su escaseçi, i amás son duna importancia crucial dau que permitin conocel aspeutus dela vía social i dela economía dela España visigoda, ofrecin amás información mu valiosa sobri la evolución del latín a las luenguas romancis, pol que se consideran el puntu de partía nel estuyu dela lengua española. Nel casu desta piçarra está considerá comu un monumentu de lengua palrá i permiti una aprosimación ala lengua oral ena çona nessa época i permiti comprendel mejol qual era la evolución acia el futuru español, que a sufriu ya el latín.