San Vicenti i las Granainas

San Vicenti i las Granainas

Luenga oficial	Ingrés
Capital	Kingstown
Reina	Isabel II del Réinu Uniu
Cumprimentu  - Total  - 0 % augua	Posición 206ª 389 km²
Puebración  - Total (2014)  - Densiá	Puestu 196º 102 918 265 ab/km²
PIB  - Total (2005)  - PIB/capita	Posición 181ª 751 millonis de US$
Monea	Dola el Caribi Oriental (EC$, XCD)
Inu	St Vincent Land So Beautiful
Domiñu Internet	.vc
Cóigu telefónicu	+1-784
Miembru de: Commonwealth, CARICOM, ONU, OECS, OEA,Petrocaribe,ALBA, AEC

San Vicenti i las Granainas es un país isleñu assitiau al norti de Veneçuela i de la isla de Grenada, ena caena de las Antillas Menoris del mari Caribi. El su territoriu de 389 km² comprendi la isla prencipal de San Vicenti i las dos trecel partis de las Granainas del norti. El país tien una estória colonial británica i agora horma parti de la Mancomuniá Británica de Nacionis i de la CARICOM.

Situau ena caena delas Antillas Menoris al esti del mari Caribi i limitandu al norti con Santa Lucía, al esti con Barbados, al sul i oesti con Venezuela i al sul con Granada. El su territoriu de 389 km² comprendi un total de 32 islas, la isla prencipal de San Vicente i las dos terceras partis del norti del archipiélagu las Granainas.

Con una superficii de 387 km², la mayol parti del su territoriu consisti ena isla más septentrional de San Vicenti, que inclui la capital i ciá más grandi, Kingstown. Al sul s’alcuentran dos tercius dela parti norti las Granainas, una cadena de 32 islas más chiquinas; el terciu sul restanti conforma Granada. Sieti de las islas están habitás, de las qualis las más grandis i puebrás son Bequia, Mustique, Canouan i Unión.

Con una puebración estimá de 110.872 abitantis, San Vicenti i las Granainas tien una densiá de puebración de más de 300 abitantis/km². La mayoria dela su puebración son descendientis d'inmigrantis africanus traíus por Francia i más tardi Gran Bretaña, que disputun las islas duranti el sigru XVIII. San Vicenti i las Granadinas siguió siendu una colónia del Imperiu británicu dendi 1783 ata 1979, quandu logró pacificamenti la endependencia; la coltura, el idioma, el gobiernu i el sistema legal del país refleutan el largu legau del dominiu británicu, i es parti dela Mancomunidá de Nacionis, con el monarca del Reinu Uníu comu el su jefi d'Estau.

San Vicenti es miembru dela Organización de Estaus del Caribi Oriental, CARICOM, la Alianza Bolivariana pa las Américas i la Comunidá de Estaus Llatinoamericanus i Caribenhos (CELAC). Tamien forma parti del Caribi anglófonu.

N'abril de 2021, el volcán La Soufrière entró en erupción varias vezis i se produxerun "eventus explosivus" que se prolongun duranti dos semanas, lo que provocó la evacuación de 16.000 residentis. Varias islas cercanas, el Reinu Uníu i organismus comu las Nacionis Uníus brindarun asistencia i apoyu financieru d'emergencia. El 13 de abril de 2021, el Bancu Mundial anunció la primera oferta important de financiación a largu plazu de 20 millonis de dólaris.

Etimologia

Cristóbal Colón bautizó la isla prencipal comu San Vicenti porque desembarcó nella el día de San Vicenti, el 22 de heneru de 1498. El nombri las Granainas hazi referência a la ciá española de Graná, inque pa diferenciar-si dela isla del mesmu nombri, se gastó el diminutivu. Dantis del aporti delos españolis, los aboríginis caribis que abitun la isla de San Vicenti la llamaban Youloumain, en onol al Youlouca, el espíritu los arcoíris, que creían qu'abitaba la isla.