Sierra de San Bernabé
La sierra de San Bernabé correspondi ala parti sul-oriental dela sierra de Tormantus, ena falda sul dela sierra de Gredus, pertenecienti a la vezi al Sistema Central. Está situá nel norti dela provincia de Caçris, Estremaúra.
Descrición
[adital | adital cóigu]Se trata duna moli granítica cuya cimi se sitúa enos picus de Fuentemoral con 1113 m d’artitú i el cerru Bullón, con 1100 m. Otras cumbris son: Villavieja (913 m), San Bernabé (945 m), Canchu Pinoti (800 m) i los Miraderus (780 m). Tieni cumu puertus los de San Bernabé i el del Rabanillu.
Idrología
[adital | adital cóigu]La sierra de San Bernabé forma la divisoria que traça las vertientis delos rius Xerti i Tiétar, naciendu nella i vertiendu nel Xerti la garganta de Marta, la garganta delos Baxarones i el arroyu dela Deesilla. Ena vertienti del Tiétar nacen nella la garganta del Obispu i los arroyus de Rabanillu, Pilonis, Plasencia i Cuadrillerus.
Puebracionis
[adital | adital cóigu]Enas faldas desta sierra s’alcuentran las puebracionis de Barrau, Gargüera, Valdastillas, Cabreru, El Piornal i Casas del Castañal.
Árbolis singularis
[adital | adital cóigu]Nesta sierra s’alcuentran seis árbolis declaráus singularis pola Junta d'Estremaúra, se trata de cincu castañus nel términu de Casas del Castañar, los castañus d’Escondelobu, los dela Huenti de las Escobanchas i el de los Realengus[1] i el Robli Grandi dela Solana, en Barrau.[2]