Templu de Diana (Méria)
El conocíu comu Templu de Diana es un templu romanu construíu nel sigru I d.C. ena ciá d'Augusta Emerita, capital dela provincia romana de Lusitania, ogañu Méria (Estremaúra). Se levantó nel foru monecipal dela ciá romana siguiendu el jeitu normal delos templus dela antigüedá crássica i es el únicu edificiu religiosu romanu que s'á conservau en buen estau ena ciá. En ralidá estava dedicau al cultu imperial, no ala diosa Diana, i púu sel unu los templus prencipalis dela ciá, pola su dedicación i el lugal que acupa.[1] Dendi 1993 está declarau Patrimoñu dela Umanidá comu parti del Conjuntu arquiológicu de Méria.[2]
Referencias[Edital | Editá'l códigu]
- ↑ VV. AA., 2006, p. 563.
- ↑ Conjunto arqueológico de Mérida, Unesco.