Valverdi de Méria

Valverdi de Méria
Entidad subnacional
Escudo
Coordenadas	38°54′39″N 6°13′13″O
Capital	Valverde de Mérida
Entidad	Monicipiu d'España
• País	España
Superficii
• Total	52,7 km²
Altol
• Media	267 m s. n. m.
Puebración (2025)
• Total	1002 hab.
• Densidá	19,01 hab/km²
Huso horario	UTC+01:00 y UTC+02:00
Código postal	06890
Sitio web oficial

Valverdi de Méria es un monicípiu la província de Baajós, ena Comunidá Autónoma d'Estremaúra (España).

Geografia

Assitiau a menus de 10 quilómetrus al esti la ciá e Méria, s'alcuentra nuna gran curva e riu Guadiana, entri Las Vegas Artas i las Vegas Bahas.

Economia

La su economia se basa ena economia agrária i ganaera, lo que hazi que seya un puebru prósperu ebiu a la fertiliá las sus tierras.

Arqueologia

Ai endícius prerromanus ena zona, i al menus una inita que los valverdeñus huchean 'la pisá la vaca'. En cuantu a los yacimientus romanus, ai angunas villas (casas romanas de descansu i labrança) i un pantanu d'orihin romanu chiqueninu, moélicu en cuantu a la su estrutura, i con tolas partis bien reconocibris pal su estuyu. Tamién quean restus, mu mermaus, duna ermita visigoa, la d'Ureña, parahi que dió nombri a la vecina localiá e Guareña.

Patrimoñu

En cuantu a monumentus, lo que mas llama l'atención es la su elésia parroquial, d'estilu sevillanu u andalús, lo preba el su campanáriu alicatau d'açulehus mu vistosus. Es desaherá en cuantu a grandol, en comparáncia con el grandol del puebru.

Está consagrá a Santa Marina das Aguas Santas, mártil orensana, que solu la trasumáncia u la repuebración qu'el territóriu vivió nel sigru XII, espricotean que la su enfruéncia aiga chegau tan al sul.

Descrición el Escú Eráldicu Monicipal

Escú e prata, cargau cola crus de la Ordin de Santiagu, de gulis, carçá e sinopri. Al timbri, Corona Rial afechá.

Atijus

• Páhina el ayuntamientu