William Shakespeare

Dendi Güiquipeya
Esti artícalu no tien huentis ni referencias
Los conteníus duosus debin sel corretamenti atijaus pa demuestral que no se trata de vestigacionis primarias.
William Shakespeare
Enhormación pressonal
Moti The Bard of Avon Ver y modificar los datos en Wikidata
Nacencia c. Abril de 1564 Ver y modificar los datos en Wikidata
Stratford-upon-Avon (Reino de Inglaterra) Ver y modificar los datos en Wikidata
Muerti 23 de abril de 1616jul. Ver y modificar los datos en Wikidata
Stratford-upon-Avon (Reino de Inglaterra) Ver y modificar los datos en Wikidata
Causa de muerti valor desconocido Ver y modificar los datos en Wikidata
Sepoltura Iglesia de la Santísima Trinidad de Stratford-upon-Avon Ver y modificar los datos en Wikidata
Lengua materna Inglés moderno temprano Ver y modificar los datos en Wikidata
Familia
Pairis John Shakespeare Ver y modificar los datos en Wikidata
Mary Arden Ver y modificar los datos en Wikidata
Cónyugi Anne Hathaway (desde 1582juliano, hasta 1616juliano) Ver y modificar los datos en Wikidata
Ijus 3 Ver y modificar los datos en Wikidata
Educación
Educau en King Edward VI School, Stratford-upon-Avon Ver y modificar los datos en Wikidata
Enhormación profissional
Oficiu Dramaturgo, poeta, atol de teatru, escrevienti, atol y dramaturgo Ver y modificar los datos en Wikidata
Ária Bellas letras, Teatru, Teatro inglés, drama, Poesia y actuación Ver y modificar los datos en Wikidata
Género Obra de teatro y Poesia Ver y modificar los datos en Wikidata
Afiliacionis Lord Chamberlain's Men y King's Men Ver y modificar los datos en Wikidata
Firma
Escudo

William Shakespeare (Abril, 1564 — 23 d'abril, 1616) hue un escrebiol ingrés. Es considerau por muchus el mejol escrebiol ingrés de tolos tiempus i unu delos más grandis en general. Escrebió destacás tragedias i comedias. La su poesía i obras de teatru tratan al tentu dela condición umana, con sentimientus talis comu el querel, los celus, la rabia, la valentía, etc. Los zagalis deprendin con él enas escuelas arreol tol mundu. Shakespeare escrebió los sus ltrebajus entri arreol 1585 i 1613.

Biografía[Edital | Editá'l códigu]

Shakespeare tuvu nacencia en Stratford-upon-Avon, Ingalaterra, en abril de 1564, el iju e John Shakespeare i Mary Arden. El pairi de Shakespeare era ricu cuandu el su iju tuvu nacencia, peru endispués perdió la su emportáncia sin que se sepa la razón. Duranti esti tiempu hue churruchel (vendeol de lanas), que estaba huera dela lei.

Shakespeare embó con Anne Hathaway, quien era ochu añus mayol que él, el 28 e nobiembri e 1582. Anne estaba en estau e tres mesis. Tuvun tres zagalis: Susanna, Hamnet i Judith. Endispués del su matrimoñu, el nombri e Shakespeare nu apaició enos documentus estóricus hata qu'encetó a escrebil, en Londris.

En 1596 Hamnet espenó. Pol mé lo apaiciu del su nombri, p'angunus que la su muerti hue la idea el labutu e teatru e Shakespeare La Tráhica Estória e Hamlet, Préncipi e Dinamalca.

Arreol 1598 Shakespeare vivió en St. Helen, Bishopsgate, i estaba ena cimera e las lista d'atoris nel labutu "Every man in his Humour", pol Ben Jonson.

Shakespeare se gorvió escrebiol i alogu tuvu la su própia balburda, hucheá "Los ombris de Lord Chamberlain". La balburda agarró esti nombri, cumu algotrus del su tiempu, del ombri que los ayuaba con dineru: Lord Chamberlain. La balburda se gorvió tan populal que, endispués la muerti e la réina Elizabeth I, deque Haimi I hue rei (1603), chambun el nombri e la balburda a "Los ombris del Rei".

En Londris, Shakespeare tuvu abondu ésitu. Mercó una nueva casina en Blackfriars, Londris, i tamién hue el dueñu e la segundera casa más grandi e Stratford: New Place.

Shakespeare ehó de labutal arreol 1611 i espenó en 1616. Estuvu emboau con Anne hata la su muerti. El su nichu idi: "Benidiu seya el ombri que ponga estas piedras, i malidiu seya el que mueva el mi calavernu (los güesus)." Estu senifica qu'el ombri que cuaharingó el nichu era güenu, i si angunu moviesi el su cuelpu, tendríe mala suerti. P'angunus que algotrus labutus de Shakespeare podríen estal endrentu el su nichu, peru naidi l'á comprebau enhamás, quidiá pol estal acagazau e las parabrinas c'ain nel nichu.

Obra[Edital | Editá'l códigu]

Velaquí una lista e angunus labutus de teatru e Shakespeare:

  • Traheyas de Shakespeare
    • Romeu i Hulieta
    • Macbeth
    • Rei Lear
    • La Tráhica estória e Hamlet, Préncipi e Dinamalca
    • Otelu
    • Titu Andrónicu
    • Huliu Césal
    • Antoñu i Cliupatra
    • Coriolanu
    • Troilu i Crésia
    • Timón de Atenas
  • Comeyas de Shakespeare
    • La comeya e los marrus
    • A güen acaberu, güen prencípiu
    • Cumu vos peti
    • Sueñu duna nochi e veranu
    • Abondu ruiu i poquinas nuedis
    • Miía pol miía
    • La tempestá
    • El mercael de Venécia
    • Las alegris comairis de Windsor
    • Labutus perdius de querel
    • Los dos caballerus de Verona
    • Periclis préncipi e Tiru
    • Cimbelina
    • Cuentu d'ibielnu
  • Estórias de Shakespeare
    • Ricardu III
    • Ricardu II
    • Enriqui VI, parti 1ª
    • Enriqui VI, parti 2ª
    • Enriqui VI, parti 3ª
    • Enriqui V
    • Enriqui IV, parti 1ª
    • Enriqui IV, parti 2ª
    • Enriqui VIII
    • El Rei Horhi

Atijus p'ahuera[Edital | Editá'l códigu]

Huenti Abierta Shakespeare