Xabón

Dendi Güiquipeya
Ir a la navegación Ir a la búsqueda
Tualetsapo.jpg

El xabón es un produtu que sirvi pa la igieni presonal i pa laval determinaus ojetus. Se puei alcontral en pastilla, en porvu, en unturia o líquiu.

El xabón básicamenti es una sal sódica o potásica resultanti de la reación química entri un álcali (idróxiu de sodiu o de potasiu) i un lípiu;​ esta reación se denomina sabonificación. El lípiu puei sel de origin vegetal (cumu el aceiti de cocu) o animal (cumu la manteca de cerdu). El xabón es solubli en áugua. Polas sus propiedais ditersivas se gasta pa el lavau de ropa, corporal, etc.

Los áceus grasus que se gastan cumu materia prima del xabón son los siguientis:

  • Aceitis vegetalis: cocu, soha, maís, oliva, linu, argodón.
  • Aceitis animalis: de pescau, grasas animalis.

Luegu, estus se combinan con unturias, prefumis i colorantis pa dalis vistosida.

Tradicionalmenti, es un material sóliu. En realida la horma sólia es el compuestu «secu», sin el áugua que se emprea ena reación meyianti la qual se obtieni el xabón. La horma líquia es el xabón «disueltu» en áugua. Nesti casu, su consistencia puei presental destintas viscosidais.