Hans Henning Ørberg

Dendi Güiquipeya
Sartal a: Güiquipeandu, Landeal

Hans Henning Ørberg (21 Abril 1920 - † 17 Hebreru 2010) hue un filólogu i professol danés, criaol del métodu Lingua Latina per se illustrata. Gastó gran parti de la su via nel enseñaeru luengas en várius estitutus de Dinamarca.

Via[eital | edit source]

Hans tuvu nacéncia en Grenaa (Dinamarca) el 21 Abril 1920.

Se licenció ena Københavns Universitet en 1946 en ingrés, francés i latín.

Entre 1946-52 i 1961-63 deprendió ingrés, francés i latín en angunus estitutus danesis. Entremeyas anduvu a trebajal nel Naturmetodens Sproginstitut, en Copenhagui, pa laboral un nuevu cursu pal deprendizagi del latín. Frutu d’aquellas envestigacionis, espubricó el cursu Lingua Latina secundum naturae rationem explicata[1] en 1955.

Dende 1963 ata 1988 dio crassis nel Grenaa Gymnasium.

Ena décaa los 90, sacó una edicion revisteá del antíguu métodu que via bichau añus á. Essa espubricacion hue el Lingua latina per se illustrata en dos tomus. A lo largu del tiempu le huerun siguiendu destintus añejus.

Endespues de vel-se jubilau, derigió la editorial Domus Latina. Hizu conferéncias pa por Uropa i Estaus Unius defendiendu el métodu endutivu-contestual pal latín.

En Abril 2005 participó enas I Jornadas de Cultura Clásica.com.

Acontinó afanandu-se enas edicionis didáticas ata enantinu la su muerti, huendu el Ars amataria d’Ovídiu, l’últimu que hizu.

Obra[eital | edit source]

La producion didática de Ørberg pal enseñaeru el latín es destensa. Las dos prencipalis obras son el Lingua Latina per se illustrata, en dos tomus, Familia Romana i Roma aeterna. Estas obras se conpretan con librinus con caravas, ejercícius o gramática.

Tien hechu Hans amás edicionis d’autoris latinus, entre ellus Plautu, Cesa, Vergíliu, Ovídiu, Petróniu, Salústiu o Cicerón [2].

Referéncias[eital | edit source]

Atijus[eital | edit source]