Jamendo

Dendi Güiquipeya
Sartal a: Güiquipeandu, Landeal

Jamendo es una comuniá criá alreol de la música libri, ondi los artistas puein empuntal la su música gratuitamenti i el su púbricu descargala e igual maera. Hundá en Eneru de 2005, el su númiru d'artistas i árbumis empuntaus á creciu e maera esponencial endi altonci.

Libri i legal[eital | edit source]

Tola música en Jamendo está bahu anguna las múrtipris licéncias Creative Commons, haziendu que seya libri i legal descargala. Jamendo premiti streaming (oyil endi la páhina web) de tolos sus árbumis, ya seya en hormatu MP3 u en OGG Vorbis, tamién ofreci descargas a través de las redis de BitTorrent i eDonkey.

Remuneración pa los artistas[eital | edit source]

Jamendo provii la donación voluntária a los sus artistas que lo quiean. Los pagus se realizan a través de Paypal i s'entregan íntegrus a los artistas menus los gastus bancárius i 50 céntimus d'euru pa Jamendo polos sus servícius. Entri Enero a Marçu de 2007, s'abrió a mo e preba un sistema e remuneración aicional, el 50% los ingresus pol publiciá sedrian daus a los artistas que se acohieran al pograma.

Comuniá[eital | edit source]

Con basi en Lussemburgu, Jamendo es entrinacional. Mientras qu'el gruesu la comuniá está holmau pol presonas que palran francés, el sitiu tamién cuenta con velsionis en más de 20 idiomas en deferentis estaus de traución, entri ellus español e ingrés ondi la comuniá á esmiençau a crecel. Ca usuáriu rustriu puei colabutal ena traución partiendu d'una basi en ingrés u francés.

Ospeahi[eital | edit source]

Jamendo ofreci ospeahi gratuitu palos artistas, siempri i quando la su música seya liberá bahu licéncias Creative Commons u Arte Libre.

Atihus[eital | edit source]