José María Aznar

Dendi Güiquipeya
Sartal a: Güiquipeandu, Landeal
José María Aznar

José María Alfredo Aznar López (Mairil, 25 hebreru de 1953) es un políticu español. Dende jovin participó en política endretu el partiu Alianza Popular (dende 1989 Partido Popular). Hue diputau por Ávila entre 1982 i 1986, i en 1987 se convilitió en presienti la Hunta Castilla i Lion hata 1989, quandu renunció pa sel candidatu pol su partiu ena elecionis generalis d'essi añu. Peru no es hata 1996 quandu gana las elecionis i es envestiu presienti con el apoyu los nacionalistas catalis, vascus i canarius. Duranti el su primel gobielnu destaca el privatizaeru d'impresas púbricas, la abolicion el servíciu melital obligatoriu, i una tregua cona banda terrorista ETA cona que s'establecierun contautus peru sin resultaus. En 2000 golvi a ganal las elecionis con mayoria asoluta. Duranti essa época destacan el undimientu el barco pretoleru Prestige que causó una gran catastrofi ecológica enas costas gallegas. España tamien participó enas guerras d'Afganistán en 2001 i d'Iraq en 2003, enque la gran huerça la puebracion no aprebava esta, llegandu el nivel de rechaçu al 90%. [1] Unus dias enantis de las elecionis de 2004, el 11 marçu uvu un gran atentau nunus trenis en Mairil. El 14 marçu las elecionis dan ganaol a José Luis Rodríguez Zapatero del PSOE. Endespues d'estu, Aznar se retiró de la via política ativa.

Referencias[eital | edit source]

  1. http://www.elmundo.es/elmundo/2003/03/27/espana/1048763322.html