Castilla i Lión

Dendi Güiquipeya
Sartal a: Güiquipeandu, Landeal
Comunidá Autónoma de Castilla i Lión
Bandera e Castilla i Lión Escú de Castilla i Lión
Sitación
Localización de Castilla y León.svg
Datus estaísticus
Capital Valladolís
Luenga oficial Castellanu
Otras luengas Lionés, gallegu, vascu i *estremeñu
Supifícii
 - total
 - % d'España
Puestu núm. 1
94.223 qm²
18,6%
Puebración
 - Total (2008)
 - % de España
 - Densiá
Puestu núm 6
2.553.301
5,69 %
26,57 ab./qm²
Hentilíciu Castellanu-lionés
Castellanulionés
Castellanu i lionés
Estatutu d'autunomia 30 de Noviembri de 2007
ISO 3166-2 CL
Representación
palramentária

 - Congressu
 - Senau
 
 
32 escañus
39 escañus
Presienti Juan Vicente Herrera Campo (PP)
Hunta e Castilla i Lión

Castilla i Lión (oficialmenti en castellanu: Castilla y León) es una Comunidá Autónoma española costituia en 1983, cuyu territóriu s'alcuentra assitiau ena parti norti la meseta la península Ibérica, i se correspondi mayoritariamenti cola parti española la cuenca e Duero. Está holmá polas províncias d'Ávila, Burgus, Lión, Paléncia, Salamanca, Segóvia, Sória, Valladolís i Çamora. Es la comuniá autúnoma con mayol estensión d'España. Tal i cumu el Estatutu d'Autunomia de Castilla i Lión arrecohi nel su preámbulu (2007):

Cquote1.png «La Comunidad Autónoma de Castilla y León surge de la moderna unión de los territorios históricos que componían y dieron nombre a las antiguas coronas de León y Castilla.» Cquote2.png
Estatutu d'Autunomia de Castilla i Lión[1]

El Estatutu d'Autunomia nu estableci esplícitamenti una capital. Nun prencípiu las Cortis s'assitiarun de holma provisional en Burgus; tamién se palró al tentu d'assitial la capital en Tordesillas, inque la ecisión final hue assitial las Cortis de mó provisional nel castillu de Fuensaldaña. Finalmenti, pol mé una Lei Orgánica aprebá en 1987, se eciió establecel que la Hunta e Castilla i Lión —el gobielnu la Comuniá— i las Cortis —el ólganu lehislativu— tuvieran la su sé definitiva ena ciá e Valladolís. Al igual que otras Comuniais Autúnomas españolas, cumu Pais Vascu, se considera la capital a la ciá ena que s'alcuentran las estitucionis básicas de la Comuniá.

El Estatutu d'Autunomia defini una seri de valoris esencialis i símbolus de los abitantis de Castilla i Lión, cumu el su patrimoñu luengüísticu (aludiendu a la luenga castellana i al restu de luengas palrás ena Comuniá: el lionés i el gallegu) u el su patrimoñu estóricu, artísticu i natural. Entri los símbolus s'alcuentran el blasón, la bandera, el pendón, el inu (inque nu dessisti), al tiempu qu'el 23 d'Abril quea definiu cumu Dia de Castilla i Lión, en conmemoración de la derrota sufria polos ehércitus de las Comuniais de Villa i Tierra castellanas ena batalla de Villalar duranti la Guerra las Comuniais, en 1521.

Olganiçación territorial[eital | edit source]

Províncias de Castilla i Lión

Arraya al norti con el Prencipau d'Astúrias, Cantábria i Pais Vascu, al esti con La Rioha i Aragón, al sul con Madril, Castilla-La Mancha i Estremaura, i al oesti con Galícia i Purtugal, i está holmá pol nuevi províncias: Ávila, Burgus, Lión, Paléncia, Salamanca, Segóvia, Sória, Valladolís i Çamora.

Patrimoñu lingüísticu[eital | edit source]

Dalcuerdu con el Estatutu d'Autunomia e Castilla i Lión, nesta Comuniá se palran cuatru luengas: el castellanu, el lionés, en angunas árias del oesti la Comuniá, que "sedrá ohetu de proteción específica [...] pol su particulal valol endrentu el patrimoñu luengüísticu la Comuniá", el gallegu, el cual, sigún arrecohi el Estatutu d'Autunomia, "goçará de respetu i proteción enos lugaris en que abitualmenti se gasti" (hundamentalmenti, enos lugaris arrayantis con Galícia de las comarcas de El Bierzo i Sanabria) i el euskera en La Puebla de Arganzón (Burgus).

Dessisti tamién la Palra el Rebollal, que angunus crassifican endrentu la luenga estremeña i otrus, endrentu la lionesa.

Referéncias[eital | edit source]

  1. Preámbulu del Estatutu d'Autunomia de Castilla i Lión

Atihus estelnus[eital | edit source]