Navasfrias

Dendi Güiquipeya
Sartal a: Güiquipeandu, Landeal

Navasfrias

Encierru a caballu
Encierru a caballu
Nombri oficial {{{nombri_oficial}}}
País Flag of Spain.svg España
Comuniá Autónoma Castilla i Lión
Província Salamanca
Província Salamanca
Comarca {{{Comarca}}}
Ciá {{{monicípiu}}}
Coigu postal 37542
Supifícii 59,96 km²
Artitú 902 msnm.
Longol 136 km a Salamanca
Puebración 668 ab. (2003)
Gentilíciu Navasfrieñu/a
Rius Águeda, Roladrón i Rubiós
Página web

Navasfrias es una puebración la província e Salamanca (Castilla i Lión). Está assitiá nel arrayu S.O la província, a 136 qm. la capital, s'alcuentra nel oesti d'El Rebollal, que comprendi los términus de Navasfrias, El Payu, Villarubias, Peñaparda i Robrea. Arraya colas puebracionis d'Elhas i Valverdi el Fresnu (Caçris) pol sul, i colos monicípius d'Aldeia do Bispo i Lageosa da Raia (Purtugal) pol oesti.

El términu s'alcuentra nel espáciu natural protehiu d'El Rebollal, qu'arraya cola reserva natural Sierra e Malcata, en Purtugal.

Hentilíciu: Navasfrieñu, -a. Nafrieñus, sigún los vizinus valverdeirus, mañegus i lagarteirus de fala galaica antigua. "Pataterus" sigún los abitantis d'angunus otrus puebrus prósimus.

Rius: Águeda, Roladrón, Rubiós. Nellus s'alcuentran pepitas d'oru que puein cohelsi meyanti el bateu. Traicionalmenti án abiu una tupa truchas.

Puebración: En 2003 tinia una puebración de 668 abitantis, de los que 342 son varonis i 326 son muheris, nuna superfici e 59,96 qm².

Fiestas[eital | edit source]

La fiesta mas emportanti se da el 24 e Húniu, San Huan Bautista. Esta fiesta se celebra con espetacularis encierrus i desencierrus de torus a caballu, capeas i verbenas.

Monumentus i lugaris d'enterés[eital | edit source]

  • Elésia parroquial de San Huan.
  • Ermita el Mansu Corderu.
  • El Tileru.
  • Huentis de fatura romana, hazi pocu restaurás.
  • Ária recreativa El Bardal nun vetusto robreal -rebollal- untal riu con piscinas, albergui i espacius p'acampal.
  • Posá el sigru XVIII.
  • Antiguas minas de volfrámiu i estañu preparás pa puel sel vesitás i con un merenderu enas cercanias.
  • Varias puentis, entri ellas la Puenti e Rubiós i Puenti d'El Bardal.
  • Ruinas el castillu e Rapapelo. Restus d'antigus molinus.
  • Tumbas tardorromanas escavás en roca.
  • Monti Hálama (<*Salama, vid. Salamati, Salamanca), probabri santuariu vetón.

Folclori i costumbris[eital | edit source]

Güena parti el folclori i e las costumbris traicionalis án desapaiciu u están en decaéncia. Desta horma, las carreras de gallus -uguañoti e cintas-, las rondas de moçus colos sus ahihius, la piia, el ramu i algotras. Entri las que entovia desistin, destacan la celebración el antruehu con bailis acompañaus de sartén, los ofertórius, las fogatas de San Huan, la matancia con tolos sus ritualis, i las capeas con encierrus i desencierrus a caballu.

Una güena opoltuniá pa tomal contatu con el mó e via traicional es la vesita al museu enugráficu, ondi sempri es posibri chalral con angún paisanu que se presti a revivil el usu i las costumbris relacionás colos ohetus allí espuestus.

Osteleria[eital | edit source]

Navasfrías cuenta con una emportanti redi d'establecimientus ostelerus, que van dendi las crásicas tabernas i tascas pa "chateal" i tapeal, hata los establecimientus otelerus i casas de turismu rural. Tamién se puei manducal nel bar de Salva, untal Bardal, i nel de la Isidora, ena praça.

La palra[eital | edit source]

El palra e Navasfrias, cumu la e las puebracionis cercanas que conhorman la comarca d'El Rebollal -Navasfrias, El Payu, Peñaparda, Villarubias i Robrea- (la palra el Rebollal) que vini el astur-lionés, i tini un emportanti parentescu cola totaliá las palras estremeñas (daí que normalmenti quei crasificá endrentu el artuestremeñu). Á siu mahistralmenti estuyá i descrebia pol Angel Iglesias Ovejero ena su tesis dotoral "El Habla del Rebollar", eitá pola Diputación de Salamanca.

La palra e Navasfrias ogañu nu tiini denguna crasi e proteción cumu bien d'enterés curtural, aún cola rehorma el Estatutu de Castilla i Lión, qu'izi nel su artículu 5.ª el Entítulu Preliminal: «el lionés sedrá ohetu e proteción específica pol parti las estitucionis pol su particulal valol endrentu el patrimoñu luengüísticu la Comuniá. La su proteción, usu i promoción sedrán ohetu e regulación».

Centru d'entelpretación de la naturaleça d'El Bardal[eital | edit source]

Centru murtihuncional, pioneru ena província, derihiu a la conocencia e la botánica, zolohia, entomulohia, micoluhia i mineralohia. Tiini material audiovisual, recursus didáticus, decumentación i colecionis de mineralis i d'insetus. Está asiahau nun entornu e varius cientus d'especis vehetalis autótunas.

S'án arrecuperau nórias i otrus enhénius propius de la agricurtura traicional de la zona, asín cumu una antigua charca. Amas, plontu tendrá una estación meteurolohica.

Atihus[eital | edit source]