Trýpes
Los Trýpes (en griegu Τρύπες "furacus") eran un grupu música rock griegu.
Biografia[Edital | Editá'l códigu]
El grupu nació en 1983 quandu Yánnis Angelákas i Yógos Karrás, enfruyius pol punk la epoca compusun las primeras canciones i se compellarun nel grupu Τρύπες, hunta el batería Kóstas Floroskoúfi i el quitarrista Mihális Kanatídi. Esti velequí namás duró poquinu ena banda, pos al sotru añu passó a acupal el su puestu Bábis Papadópoulos.
Nel 1985 espubrican el su primel discu omónimu ena compañia Ano-Kato cola participación Mihális nuna las cancionis. Tras esti discu Kóstas tamién dehuyó de la banda i hue sustituiu pol Yórgos Tólios.
Pocu tardarun en sel consierá la banda rock mas emportanti sulhia en Grécia, cuya canción Ταξιδιάρα ψυχή se convirtió nel inu la música rock griega.
Nel 1987 huyerun de la su primel compañia, assinque tuvun que grabal el siguienti discu Πάρτυ στο 13º όροφο con dineru emprestau. Filmarun un nuevu contratu cola compañia Virgin —compañia ena que remanecerian— ena primavera dessi mesmu añu, puyendu a la final espubrical essi discu. Esti bichu s’alcuentra angañu entri los cincu mihoris discus la escena rock griega de tolos tiempus.
En 1990 sal el tercel discu Τρύπες στο παράδεισο i tocan pol primel vezi huera Grécia nel festival de Belfort, en Fráncia. Tres añus endispués espubrican el su quartu discu, Εννιά πληρωμένα τραγούδια. Nesti mesmu añu graban la música pa la pinicla H εποχή των δολοφόνων de Νίκος Γραμματικός.
En 1994 Karrás i Angelákas cola colabutación de Γιώργος Χριστιανάκη graban el discu Υπέροχο τίποτα que sedria el primeru dotrus discus colabutativus. Nesti mesmu añu espubrican el quintu discu estuyu llamau Κράτα το Σώου Μαϊμού.
Las atuacionis pol Grécia i otrus paisis los enraban nel espubricaeru el su próssimu discu Κεφάλι γεμάτο χρυσάφι, nel 1996.
En 1999 espubrican el su úrtimu discu, Μέσα στη νύχτα των άλλων, añu esti en que Angelákas espubrica un libru. Endispués destu vendrian otras colabutacionis, cumu la banda sonora la pinicla Χώμα και νερό (ena qu’atua el própiu Angelákas).
Miembrus[Edital | Editá'l códigu]
- Γιάννης Αγγελάκας: vozis.
- Γιώργος Καρράς: bahu, vozis.
- Μπάμπης Παπαδόπουλος: quitarra, vozis.
- Γιώργος Τόλιος: bateria.
Otrus miembrus que holmarun parti el grupu u colabutarun huerun:
- Mιχάλης Κανατίδης: quitarra.
- Κώστας Φλωροσκούφης: bateria.
- Γιώργος Χριστιανάκης: tecrau.
- Ασκληπιός Ζαμπέτας: quitarra.
Discografia[Edital | Editá'l códigu]
- Τρύπες, 1985.
- Πάρτυ στο 13ο Όροφο, 1987.
- Τρύπες στον Παράδεισο, 1990.
- Εννιά Πληρωμένα Τραγούδια,1993.
- Κράτα το Σώου Μαϊμού, 1994.
- Κεφάλι Γεμάτο Χρυσάφι, 1996.
- Μέσα στη Νύχτα των Άλλων, 1999.
Atihus[Edital | Editá'l códigu]
Web hecha polos siguioris [1]