Arquílocu

Dendi Güiquipeya
Arquíloco
Enhormación pressonal
Nombre en griego antiguo Ἀρχίλοχος Ver y modificar los datos en Wikidata
Nacencia 688 a. C. Ver y modificar los datos en Wikidata
Paros (Emperiu otomanu) Ver y modificar los datos en Wikidata
Muerti c. 645 a. C. Ver y modificar los datos en Wikidata
Naxos (Grécia) Ver y modificar los datos en Wikidata
Familia
Padre Telesicles Ver y modificar los datos en Wikidata
Enhormación profissional
Oficiu Poeta, escrevienti, epigramista y elegíaco Ver y modificar los datos en Wikidata
Género Poesía yámbica Ver y modificar los datos en Wikidata

Arquílocu, en griegu Ἀρχίλοχος [arˈkhílokos], hue un soldau i cantautol jóniu, lanteru ena lírica griega arcaica.

Via[Edital | Editá'l códigu]

Son poquinus los endilguis concernientis a la via d'esti antíguu poeta, la huerça d'ellus proceentis de los sus própius testus. Tuvu nacéncia ena isla cicládica Paru, en prenu mal Egeu en el 680 e. C. Su pairi hue Telesicli, nobri jóniu, i su mairi una escrava trácia. La su família via participau ena colonizacion de Tasu, isla rica en oru al norti el Egeu, junta las costas trácias, colonizacion que, vé-la ellí, aconteció barruntá por un agúriu délficu.

Ahinchonau pola probécia i, quiciá tamien, por quimeras con quien le prometió a su ija en casamientu, Licambi, sigún s’entrevé enas sus cancionis (88, 90), dehuyó de Paru i s’enroó enos luchis contra los trácius cumu soldau réziu i enteligenti (6). Esti era el ofíciu que le sustentó (2). En trebajandu comu mercenáriu pa Tasu i pal mal Negru, tuvu mu mala canogia i la poca suerti le llevó a guarreal enas sus cancionis a los compañerus (79, 67b) i hata, vé-la í, a la própia isla (18, 54).

Contra el que huera piu sel el su suegru, Licambi, i contra su ija tamien levantó farsu. A lo vistu enas sus cancionis, Licambi le via prometiu a Arquílocu en matrimoñu a su ija Neobuli, pero a la final se desaculó. El ton aguarreanti d'essas cancionis i la sonaja que cobró la família en el su tiempu hizun a pairi i ija suicidal-se.

Arquílocu murió al reol el 640 o el 645.

Obra[Edital | Editá'l códigu]

Arquílocu hue frutu el su tiempu. Los menumentalis poemas épicus perdierun enportáncia anti una mentaliá coscienti del cámbeu los valoris i la muacion el pensaeru incapás d’acetal ena via cotidiana los prencípius oméricus. S’estilava la cancion ligera con motivu celebracion en furrionas, fiestas localis i otrus rehuijus, assinque la poesia alquiria un hormatu brevi. Arquílocu cautivó destintus génerus de la cancion lírica, dende el yambu a la elegia, passandu pol pie trocaicu, escrevieru que sigrus despues siguia Oráciu.

De la su producion, no se conselvan poemas enterus, sino apeninas unus quantinus de versus siguius o cachinus d'ellus. Escrevió en dialectu jóniu, enque dominava tamien la léngua trácia. El su estilu s’ascrevi al arcaicu, con periodus cortinus i gustu polas oposicionis, en una léngua crara de sintassi simpri.

Bibliografia[Edital | Editá'l códigu]

  • Fränkel H., Poesía y filosofía de la Grecia Arcaica, trad. Ricardo Sánchez Ortiz de Urbina, Visor, Mairil, 1993.