Batalla de Trafalgar
La Batalla de Trafalgar fue una batalla naval que tuvú lugal el 21 d’otubri de 1805, nel marcu dela tercera coalición eniciá pol Reinu Uniu, Austria, Rusia, Nápolis i Suecia pa tental derrocal a Napoleón Bonaparte del tronu imperial i disolvel la influencia militar francesa dessistenti n’Uropa. La Batalla de Trafalgar se produju frenti a la costa española del cabu de Trafalgar, enos Los Cañus de Meca, localiá del municipiu gaditanu de Barbati, na daquella época pertencienti a Vejel dela Frontera. Dicha batalla naval está considerá una delas más importantis del sigru XIX, nella s’enfrentun los aliaus Francia i España (al mandu del vicealmiranti francés Pierre Villeneuve, baju cuyu mandu estava pola parti española el tenienti general del mari Federico Gravina) contra la armada británica al mandu del vicealmiranti Horatio Nelson, quien ronchiu. Ogañu, la céntrica praça londinensi de Trafalgar Square conmemora dicha vitoria.
Antecedentis
[Edital | Editá'l códigu]Los acontecimientus estóricus que precedun a esta batalla s’an d’alcontral nel ententu frustrau pola parti de Napoleón d’invadil las islas británicas, nel que la escuadra franco-española debía distrael ala flota británica i alejarla del canal dela Mancha pa dirigi-la hacia a las sus posesionis en las Indias Ocidentalis. Esti plan de distracción fracasó, i s’agravó cola consiguienti derrota de Finisterri[1] (22 de juliu de 1805). Endispués desta derrota, la flota se dirigió al puertu de Cádiç, d’ondi zarparía el 19 d’otubri hacia Trafalgar.
Batalla
[Edital | Editá'l códigu]
La flota franco-española se vió bloquiá en Cádiç por Nelson, i en setiembri Napoleón ordenó a Villeneuve navegal a Nápolis pa despejal el Mediterráneu del hostigamientu delos buquis británicus, peru nu obedeció esta ordi, permaneciendu en puertu. A mediaus d’otubri, conociendu las intencionis de Napoleón de sustitui-lu pol almiranti François Étienne de Rosily-Mesros i envialu a París pa pedili cuentas polas sus acionis, s’adelantó a la llegada del su reemplazu i partió de Cádiç con la flota combiná el 18 d’otubri.
El total de 34 buquis emparejó entoncis cola flota de Nelson cerca del cabu de Trafalgar, i el 21 d’otubri tuvú lugal un alcuentru naval: la Batalla de Trafalgar, ondi la flota franco-española fue derrotá pola Armada Rial Británica. Nelson fue heríu de muerti duranti la batalla, convirtiéndusi nunu delos más grandis érois de guerra de Gran Bretaña. Villeneuve i el su buqui insignia, el Bucentaure, fuerun caturaus polos británicus huntu con otrus abondus buquis españolis i francesis. Pola su parti, el comandanti Pierre-Étienne-René-Marie Dumanoir decidió ahorral dalli con quatru navíus enos primerus compasis dela batalla. El almiranti español Gravina logró alejal-si del campu de batalla con parti dela flota peru sucumbió mesis más tardi polas heridas sufrías duranti la batalla.
Los barcus capturaus pola flota británica fuerun llevaus ata el puertu de Gibraltar. Nostanti, la huerti tormenta que se desencadenó enas aguas del estrechu pocas oras endispués dela batalla hizu con que algunus barcus, dau el su malograu estau, se jueran a piqui enas costas gaditanas u onubensis anti la imposibiliá de resistil el remolqui. Navíus comu el Neptuno i el Santa Ana} pudun sel recuperaus gracias a la ación de Julien Marie Cosmao-Kerjulien, quien regresó a aguas de Trafalgar cuna flota de seis barcus dos días endispués.
El vienris 21 d’otubri de 2005, nel bicentenariu dela batalla, se celebró n’aguas de Trafalgar una ceremonia nel recuerdu delos caíus aquel día con representantis d’España, Francia i Reinu Uniu. El entoncis ministru de Defensi española José Bono arrojó al mari seis coronas de laurel dendi el portaavionis Précipid'Asturias, nun atu nel que fue escoltau polas fragatas francesa Montcalm i la británica HMS Chatham.[2][3][4]
Consecuencias dela batalla
[Edital | Editá'l códigu]
Esta batalla frustró la entención delos francesis d’invadil, o al menus bloqual, pol mari al Reinu Uniu (tal i comu el lord del Almirantazu británicu John Jervis izi con sorna en 1801: «Yo nu digu que los francesis de Napoleón nu vayan a venil, peru dendi luego, nu vendrán pol mari») i supusu el prenicipiu del podíriu naval británicu, que duraría un sigru.
El almiranti Villeneuve fue enviau presu a Inglaterra, peru fue puestu en libertá baju palabra. Volvió a Francia en 1806. El 22 d’abril de 1806 se le topó muertu nel su cuartu del Hotel de Patrie, en Rennes, apuñalau nel pechu seis vezis. Se informó enmediatamenti que Villeneuve s’avía suicidau puestu que s'a vía alcontrau un libru abiertu sobri anatomía umana huntu al cuerpu, i se le aterró sin ceremonia alguna. Entri las ipótesis se considera que puu sel víctima duna ejecución extrahicial ordená por Napoleón, por elementus del su gobiernu o por enteresaus francesis u enternacionalis en que nu se conociera el su relatu sobri la batalla de forma pública.
Esta contienda naval nu significó n’absolutu la destrición dela armada española, ya que, delos aprosimadamenti 15 navíus españolis que combatun, fuerun menus de sieti los perdius. La flota de guerra ispánica contaba entavía con 37 navíus i 24 fragatas, a los que s’unierun otrus 6 navíus francesis caturaus endispués delos sucesus del 2 de mayu de 1808. Nostanti, tos estus navíus se pudrierun enos puertus españolis duranti la Guerra d’Independencia (1808-1814), ena qual la prioriá asoluta fue el ejércitu de tierra i nu la marina, inecesaria porque los británicus ya se bastaban pa contenel a los francesis nel mari.
La batalla, inque ubiera siu una victoria franco-española, nu abríe determinau la guerra contra el Reinu Uniu, puestu que los británicus ubieren podiu rearmarsi i lleval a las enmediazionis de Cádiç otra flota igual u superiol a la de Nelson. Nostanti, una eventual vitoria aliá ubiesi eniciau la consolidación del podel napoleónicu nel Mediterráneu. Con to, la batalla de Trafalgar otorgó alos británicus el dominiu delos maris duranti la práutica totaliá del sigru XIX. La batalla de Trafalgar a siu mitificá pola estoriografía británica, ata convertila prácticamenti nuna especii de mitu fundacional, comu sucedi cola igualmenti mitificá batalla contra la Armada Invencible. La praça prencipal dela ciá de Londri está dedicá ala batalla.
El hechú que la flota española juera debilitá en Trafalgar dificultó el tráficu comercial i militá entri la Península i los virreinatus americanus.[5]
Trafalgar ena coltura populal
[Edital | Editá'l códigu]Trafalgar Square
[Edital | Editá'l códigu]En la década de 1840 quedaba terminau, ena çona céntrica de Londres, el espaciu habilitau palo que se denominó nun prencipiu praça de Guillermu IV, inque que fue cambiau gracias a George Ledwell Taylor, quien convinu renombrala en favol de Horatio Nelson i la su importanti vitoria ena batalla de Trafalgar. Assín pues, Trafalgar Square omenajea la victoria dela armada británica frenti a la flota combiná franco-española n’otubri de 1805, en Cádiç.
La praça está presidía pola Columna de Nelson, construía entri 1840 i 1843 i con una altura de 46 metrus. En la cúspidi, una estatua de Nelson de 5,5 metrus se yergui mirandu hacia el palacio de Westminster, a través del Whitehall.
El lugal a siu, estóricamenti, lugal de manifestaciones políticas.
La praça está formá por una gran área central rodeá de cáis en tris delos quatru laus. Nl lau norti dela praça se sitúa la National Gallery i al esti la ilesia de St Martin-in-the-Fields. La praça se comunica pol suroesti con The Mall a través del Admiralty Arch. En el sul se sitúa el Whitehall, al esti Strand i al norti Charing Cross Road.
Cini
[Edital | Editá'l códigu]
- Trafalgar (1929) ganó el Oscar a Mejol direitol pa Frank Lloyd. Inque la batalla de Trafalgar es el trasfondu dela película, el argumentu prencipal se basa ena relación amorosa entri Horatio Nelson (Victor Varconi) i la su amanti Emma Hamilton (Corinne Griffith).
- Lady Hamilton (1941) ganó el Oscar al mejol soniu i fue candidata al premiu comu Mejol Dirección de Fotografía, Mejoris Efectus Especialis i Mejol Vestuariu. Película protagonizá por Laurence Olivier, nel papel de Horatio Nelson, i por Vivien Leigh, en el papel de Emma Hamilton.
Literatura
[Edital | Editá'l códigu]- Trafalgar (1873) es la primera novela dela primera serii delos Episodios Nacionales, de Benito Pérez Galdós. Narra la estória del joven gaditanu Gabriel de Araceli, que a los 14 añus se vei envueltu ena batalla de Trafalgar comu criau dun vieju oficial dela Armada ena reserva.
- Cabo Trafalgar (2004) es una novela escrita por Arturo Pérez-Reverte. Esta novela le valió sel condecorau en 2005 con la Gran Cruç al Méritu Naval, la más alta distinción otorgá pola Armada Española pa un civil.
Referencias
[Edital | Editá'l códigu]- ↑ cita web |url=[1](http://www.todoababor.es/articulos/finisterre.htm)%7Ctítulo=Sitio web sobre la batalla de Finisterre}
- ↑ cita web|url=[2](http://internacional.elpais.com/internacional/2005/10/21/actualidad/1129845605_850215.html)%7Ctítulo=Una ceremonia en el mar recuerda a los muertos en la batalla naval de Trafalgar|fechaacceso= 6 de setiembri de 2016|periódico= El País
- ↑ cita web|url=[3](http://www.elmundo.es/elmundo/2005/10/21/espana/1129885217.html)%7Ctítulo=Los países que combatieron en Trafalgar homenajean a sus caídos en el 200 aniversario de la batalla|fechaacceso= 6 de setiembri de 2016|periódico= El Mundo
- ↑ cita web|url=[4](http://www.defensa.gob.es/Galerias/documentacion/revistas/2005/trafalgar.pdf)%7Ctítulo=1805-2005. Reino Unido, Francia y España honran a los combatientes en Trafalgar|fechaacceso= 6 de setiembri de 2016|obra= Revista Española de Defensa
- ↑ cita web|url=[5](http://m.elespectador.com/impreso/articuloimpreso-212488-diana-uribe-y-razones-historicas-de-conmemoracion-bicentenaria)%7Ctítulo=Página en m.elespectador.com|fechaacceso=14 de juliu de 2012|fechaarchivo=19 de juliu de 2013|urlarchivo=[6](https://web.archive.org/web/20130719060254/http://m.elespectador.com/impreso/articuloimpreso-212488-diana-uribe-y-razones-historicas-de-conmemoracion-bicentenaria)%7Cdeadurl=yes
Bibliografía
[Edital | Editá'l códigu]- Combate de Trafalgar. Vindicación de la Armada Española. Impreso de Orden Superior. Madrid, 1850.
- Trafalgar (Novela) de Benito Pérez Galdós. Editora Espasa-Calpe Argentina, Buenos Aires, 1968.
- Trafalgar. Hombres y naves entre dos épocas, de José Gregorio Cayuela Fernández, Ariel, Barcelona, 2004. ISBN 84-344-6760-7.
- Cabo Trafalgar, de Arturo Pérez-Reverte, Alfaguara, 2004.
- Trafalgar. Episodios Nacionales I en Wikisource, de Benito Pérez Galdós (véanse las diferentes versiones en la Biblioteca Virtual Miguel de Cervantes).
Atijus pa fuera
[Edital | Editá'l códigu]- Batalla de Trafalgar, sitio web del bicentenario
- Cabo Trafalgar en Cádiz
- Todo a Babor. La batalla de Trafalgar (artículo)
- Página web del Santísima Trinidad en la actualidad
- Monografía dedicada a Trafalgar en la bitácora Etimologías
- Papeles de la campaña de 1805 — Biblioteca virtual de la Institución Fernando el Católico
- Gráfico animado de El País sobre el desarrollo de la batalla.