Campu de concentración d'Orduña
El campu de concentración d'Orduña hue un campu de concentración franquista qu'enhuncionó dendi jullu de 1937 ata setiembri de 1939, duranti la Guerra Cevil Española . Anque al prencipiu ajuntó alos soldaus del Exércitu Vascu qu'avían síu hechus prisionerus, posteriormenti tamién ajuntó a soldaus de sotrus frentis españolis.
Enhuncionamientu[Edital | Editá'l códigu]
Oficialmenti, el campu tenía cabusía p'albergal a 5.000 presus, peru sigún Joseba Egiguren ancançó alos 50.000 presus.[1] Sigún el Goviernu Vascu, gastandu datus oficialis, nesti campu estuvun 3.981 pressonas, delas qualis 2.035 eran estremeñas.[2] S'assitió en prenu centru dela cidá, nel antiguu colegiu jesuita llamau Nuestra Señora de la Antigua .[3]
Los presus sufrierun martirius i trebajus ahorçaus, entri ellus la costrución de carreteras, assina comu la rehabilitación del menumentu ala Virgen de la Antigua, assituau ena mesma localidá.[4] El ojetivu dela zona no era la matancia de presus, sino alexa-lus delos frentis i classifica-lus i castiga-lus en hunción de supuestus delitus.[5]Essestin dúas al tentu del númiru de presus qu'espenarun en Orduña. Oficialmenti, 24 murierun nel campu de concentración i 201 en prisión.[6] 125 d'ellus eran dela provincia de Badajós, Méria, La Serena o Don Benitu.[2] Tras la su afechación, se costruyó la prisión d'Orduña p'albergar alos represaliaus pol franquismu.
Precuraeru i entificación delos cadavis[Edital | Editá'l códigu]
En 2013, pressonal centíficu d'Aranzadi prencipiarun la precuración de cadavis nel cimenteriu d'Orduña.[7][8][9][10][11][12] Duranti l'escavación derigía por Lourdes Herrasti s'alcuentrarun 71 cadavis y 8 d'ellus huerun entificadus (deziembri 2023):[13]
- Fructuoso Llorens Tolosano (Huenti del Maestri, Badajós)
- Manuel Del Amo Jiménez (Villagonzalo, Badajós)
- Salvador Del Amo Jiménez (Villagonzalo, Badajós)
- Alejandro Gómez Hidalgo (El Carpio de Tajo, Toléu)
- Alfonso Tena Prieto (Don Álvaru, Badajós)
- Domingo Galindo González (La Morera, Badajós)
- Inocencio Gallardo Rebolledo (Magacela, Badajós)
- Bernardo Rodríguez Rincón (Campanariu, Badajós)
- Francisco de la Cruz Orellana (Quintana dela serena, Badajós)
Reconocencia[Edital | Editá'l códigu]
- En 2012, el Monicipiu d'Orduña condenó lo suceíu, pidió disculpas por avel-si lucrau a costa delos cautivus y se comprometió a re-abilital la su memoria i esparigil esti terribli y desconocíu episodiu ena muestra estoria.
- En 2022 s'inaguró un columbariu, con cabusía pa recebil los cuerpus de 60 pressonas.[14][15] Tamién estalarun una escoltura d'Iñigo Arregi.[13]
- En 2023, una delegación del Instituto Gogora i del Goviernu Vascu hizu un viagi a Castuera cola entención de hazel prevas d'ADN a familiaris de presus.[5][16]
Referencias[Edital | Editá'l códigu]
- ↑ gorriti, iban (19 de octubre de 2011). «"200 personas descansan en algún lugar de Orduña a la espera de reconocimiento"». Deia. Consultado el 27 de febrero de 2024.
- ↑ 2,0 2,1 Andueza, Iker Rioja (28 de enero de 2023). «Orduña, campo de concentración extremeño en la guerra: 2.035 de los 3.981 presos fueron llevados a 700 kilómetros». elDiario.es. Consultado el 27 de febrero de 2024.
- ↑ Borraz, Marta (13 de marzo de 2022). «Plazas de toros, hoteles, colegios: los campos de concentración del franquismo por los que pasas sin saber que lo fueron». elDiario.es. Consultado el 28 de febrero de 2024.
- ↑ «En busca de las familias de las 250 víctimas del campo de concentración y prisión de Orduña». Crónica Vasca. 28 de enero de 2023. Consultado el 28 de febrero de 2024.
- ↑ 5,0 5,1 Pérez, por Ibon (2 de marzo de 2023). «El ADN De Las Víctimas Del Campo De Concentración Franquista De Orduña | Crónica Libre». www.cronicalibre.com. Consultado el 28 de febrero de 2024.
- ↑ SER, Cadena (3 de noviembre de 2020). «Orduña ofrece ayuda a las familias afectadas por el campo de concentración y prisión local». cadena SER. Consultado el 28 de febrero de 2024.
- ↑ Pérez, por Ibon (2 de marzo de 2023). «El ADN De Las Víctimas Del Campo De Concentración Franquista De Orduña | Crónica Libre». www.cronicalibre.com. Consultado el 28 de febrero de 2024.
- ↑ «El Gobierno Vasco trabaja ya en la identificación de 53 restos de víctimas halladas en el cementerio de Orduña». EITB. 10 de diciembre de 2022. Consultado el 28 de febrero de 2024.
- ↑ Peláez, Alba (6 de diciembre de 2022). «Aranzadi halla restos de una decena de víctimas del franquismo en el cementerio de Orduña». El Correo. Consultado el 28 de febrero de 2024.
- ↑ EFE, NTM / (17 de noviembre de 2023). «El Gobierno vasco entrega los restos de otros dos identificados de la prisión de Orduña». Deia. Consultado el 28 de febrero de 2024.
- ↑ Oliveres, Iker Rioja Andueza, Victòria (1 de febrero de 2023). «Euskadi busca por toda España a familias de los 225 fallecidos en el campo de concentración franquista de Orduña». elDiario.es. Consultado el 28 de febrero de 2024.
- ↑ «Podcast audio: Orduña Castuera: exhumando la verdad. La voz de la Ciencia. Memoria Eraikiz, EITB podcast.EITBpodkast | Jakintza». EITB (en euskera). 2 de noviembre de 2023. Consultado el 28 de febrero de 2024.
- ↑ 13,0 13,1 Aranzadi. «| Aranzadi — Zientzia elkartea». Aranzadi. Consultado el 28 de febrero de 2024.
- ↑ Andueza, Iker Rioja (28 de julio de 2022). «Homenajean a los represaliados de toda España en el campo de concentración franquista de Orduña». elDiario.es. Consultado el 28 de febrero de 2024.
- ↑ r01epd0122e4edf39923e0db0b11fff216b637726, r01etpd14e71f10898188cd913aa2dba210432d8fc (8 de enero de 2022). «Familiares de represaliados y fallecidos en el campo de concentración de Orduña protagonizan la inauguración del primer Columbario de la Dignidad de Bizkaia». www.gogora.euskadi.eus. Consultado el 28 de febrero de 2024.
- ↑ Segovia, Mikel (23 de enero de 2023). «De Orduña a Castuera, el último viaje de 71 extremeños en busca de familia y ADN». El Independiente. Consultado el 28 de febrero de 2024.
Biblografía[Edital | Editá'l códigu]
- Joseba Egigur (2011). Prisioneros en el Campo de Concentración de Orduña (1937-1939) . Tarttalo
- Ascensión Badiola Ariztimuño (2015). La represión franquista en el País Vasco. Prisiones, campos de concentración y batallones de trabajadores al inicio de la posguerra . UNED.
- Carlos Hernández de Miguel (2019). Los campos de concentración de Franco. Sumisión, tortura y muerte detrás de las vallas. Ediciones B
Atijus p'ahuera[Edital | Editá'l códigu]
- Vídiu: Buscando a los familiares de las víctimas del campo de concentración y prisión de Urduña 1936-1941 ( Gogora, 2023)
- Podcast: Orduña-Castuera, exhumando la verdad. La voz de la ciencia. Aranzadi y la BIÓMICA (Construyendo Memoria, 2014)