Canal Extremadura Televisión
| Canal Estremaúra | |
|---|---|
| |
| Tipu de canal | Televisión digital terrestri |
| Pogramación | Generalista |
| Lema | Agora+ |
| Propetariu | Corporación Extremeña de Medios Audiovisuales (CEXMA) Junta d'Estremaúra |
| Cota de pantalla | 4,8% (media de 2025) Kantar Media |
| Operau pol | Corporación Extremeña de Medios Audiovisuales (CEXMA) |
| País | España |
| Encetu delas trasmissionis | 15 de hebreru de 2006 |
| Formatu d’imagi | 1080i HDTV |
| Aria de trasmissión | Estremaúra (España) |
| Nómbris anterioris | 7 Canal Estremaúra TV (2008-2011) |
| Canalis ermanus | Canal Extremadura SAT |
| Sitiu web | Prantilla:Url |
Canal Extremadura es una canal de televisión en abiertu español que furrula comu la caena de televisión púbrica de Estremaúra. Canal Extremadura Televisión es el nombri comercial la televisión utonómica d'Estremaura. Es propiedá dela Sociedá Púbrica de Televisión Extremeña, S.A.U., que ala su vés horma parti dela Corporación Extremeña de Meyos Audiovisualis (CEXMA) criá pola Lei 4/2000, mentis que la Socieá Pública de Televisión Estremeña, S.A.U. se crió el 27 marçu de 2005. Tantu Canal Extremadura Televisión i Canal Extremadura Radio, la emisora d'arradiu utonómica, pretenecin ala Corporación Extremeña de Medios Audiovisuales.
Dendi 2011 horma parti duna única sociedá, la Sociedá Púbrica de Radiodifusión i Televisión Extremeña SAU que agrupa a televisión i radiu.
Endispués dun pedioru d'emisión en prevas encetau el 30 de noviembri de 2005, el 15 de hebreru de 2006 aballó la su primera fasi de pogramación [1] con nuevi oras d'emisión diaria, comprendías entri las 15:30 i las 00:30. El su primel enformativu, denominau Extremadura 20:30, s'estrenó el 7 juñu de 2006, con Rocío Gavira i Luis Daniel Martín comu presentaoris, i Carlos Benito comu "Ombri el Tiempu". La derecion d'enformativus corría dela manu d'Águeda Zarco. Aballó las sus emisionis enas frecuencias analógicas que avía acupau Canal Sur Estremaúra [2] [3] entri el 8 de setiembri de 2001 i el 28 de juñu de 2002. [4]
Las sus estalacionis s'alcuentran en Méria, la capital utonómica, ondi amás dela su sé propia tien un centru de prouziçon nel Centru Territorial de Televisión Española. Amás, cuenta con delegacionis en Caçris, Baajós, Praséncia, Villanueva la Serena i Mairil.
No horma parti dela FORTA (Federación d'Organismus de Rádiu i Televisión Autonómicus), inque hirmava alcuerdus pa ruchar conteníus escrusivus de dicha federación, comu los partíus dela Champions League de 2009 a 2012.
En hebreru de 2007 cria Extremadura TV, un canal entrinacional endedicau ala promovición dela región reemitiendu el conteníu de prouzión propia de Canal Extremadura. Las sus emisionis pudun siguil-si por TDT ata 2011. El 31 de diciembri de 2011 cessó la su señal por satéliti n'Astra.
En 2014 enceta las sus emisionis por mé de Hispasat Canal Extremadura SAT. En 2024, el su hormatu d'emisión ena TDT passa a sel en alta definición, huendu assina delas primeras televisionis utonómicas de España en dal el saltu del SDTV al HDTV.
Es la prencipal caena de televisión desta comunidá autónoma, i s'emiti polas redis d'antena (analógica i degital) assina comu pola redi de cabli i por satéliti en toa Uropa. Meyu de dambas a dos cosas, emiti pogramas de cercanía, series, variedais, enformación i retrasmiti angunas competicionis deportivas.
Es la eredera duna primera caena de televisión regional, Canal Sur Estremaúra, emitía de horma d'ensayu dendi 2001 ata 2002.
Estoria
[adital | adital cóigu]Prencipius
[adital | adital cóigu]Diziembri de 2000: la Asamblea d'Estremaúra aprueva la criación dela Corporación Extremeña de Meyos Audiovisualis (CEXMA).
Mayu de 2001: PSOE i PP rompin el patu pa descogel el conseju d'alministración, lo que hazi empossibri la su hormación, al sel mestel 43 deputaus.
Júliu de 2001: la Junta d'Estremaúra alcuerda cola Junta d'Andaluzia que Canal Sur emita en Estremaúra con dessenganchis pa enformativus i pogramas regionalis baxu el nobri de Canal Sur Estremaúra.
8 de setiembri de 2001: coincidiendu col Día d'Estremaúra, mença a emitil Canal Sur Estremaúra.
Juñu de 2002: Canal Sur Estremaúra para las sus emisionis pol ordin judicial.
Alcuerdu final
[adital | adital cóigu]Abril de 2004: endispués de largas negociacionis, PSOE, PP i IU patan qu'apresentarán candilatus al conseju de CEXMA. L'alcuerdu está a puntu de rompel-si, al escuallal la candilata d'IU.
Outubri de 2004: el consellu es elegíu. PSOE i IU encetan a negocial el nobri del briandán general.
29 de diciembri de 2004: el Parramentu estremeñu confirma a Gaspar García cumu briandán del enti púbricu.
Puesta en marcha
[adital | adital cóigu]15 de febreru de 2006: encetan las emisionis de Canal Extremadura.
12 de febreru de 2007: encetan las retrasmisionis de Extremadura TV, la versión enternacional de Canal Extremadura.
30 de noviembri de 2005: encetan las emisionis de pruebas con un bucle sinfín. [5]
15 de febreru de 2006: encetan las emisionis regularis de Canal Extremadura alas 15:30 dela tardi.
12 de febreru de 2007: prencipian las retrasmisionis de Extremadura TV, la versión enternacional de Canal Extremadura, vía satéliti Astra encetiamenti i, más tardi, tamién cumu segundu canal nel multiplex autonómicu de TDT. Esta será una versión específica con pesqui ala «diáspora» estremeña nel restu de España i de Uropa. Tomandu la mayor parti delas emisionis de Canal Extremadura Televisión, dexa juera dela su parri-lla un ciertu númeru de programas polos qualis no á ganau los derechus de difusión juera de España (cinis, séries).
31 de diciembri de 2011: cesse definitivu dela emisión vía satéliti de Extremadura TV, la versión enternacional de Canal Extremadura.
20 de juñu de 2014: encetan las trasmisionis de Canal Extremadura SAT, canal enternacional dela televisión Extremeña. Emiti en abiertu vía satéliti Hispasat.
9 de mayu de 2018: encetan las trasmisionis de Canal Extremadura SAT nel satéliti Astra.
14 de juñu de 2020: Canal Extremadura lança la su apricación oficial pa vel los conteníus dela cadena tanto en diretu cumu ala carta, diseñá pa dispositivos iOS i Android. D'igual manera se lança la app delos servícius enformativus, Extremadura Noticias.
17 de hebreru de 2023: Canal Extremadura retrasmiti pola primera vezi los carnavalis estremeñus pola prataforma Twitch. [6]
30 de noviembri de 2023: Canal Extremadura cumpri 18 años n'antena. Pa celebral la "mayoría d'eá" dela televisión estremeña, s'emiti un programa especial de Dos de tarde nel que se recuerdan programas mu diversus dela estoria dela casa. Assimesmu, tamién se reúnin nel prató angunus delos rostrus míticus i atualis dela cadena, cumu César Muñoz Lola Trigoso, Manu Pérez, Paco Vadillo o Agustín Bravo, entri sotrus.
15 de heneru de 2024: el canal, d'alcuerdu col Plan Téunicu Nacional dela Televisión Degital Terrestri, realizó la transición compreta dela emissión en definición estándar (SD) a alta definición (HD), [7] encetandu a Trasmitir exclusivamenti en HD i cumpliendu anticipadamenti cola fecha lindi del 14 de febreru de 2024. [8]
31 d'outubri de 2024: se lança la apricación oficial de Canal Extremadura pa televisoris inteligentis con sistemas operativus Android TV i TvOS, contandu colas mismas huncionis que la versión móvil (recibil las señales de televisión i rádiu en diretu, assina cumu reproduzil conteníus d'audiu i vídeu ala carta).
Diretores/as Generalis
[adital | adital cóigu]Gaspar García Moreno (2004-2011)
Beatriz Maesso Corral (2011-2015)
Carmen Santos Garaicoechea (2015-2017)
Urbano García Alonso (2017-2021)
Dámaso Castellote (2021-presenti)
Programación
[adital | adital cóigu].jpg)
La programación de Canal Extremadura Televisión s'estrutura en enformación i entretenimientu de calidá con carátel estremeñu i dirigíu a todos los púbricos. Por ellu, nel que respetu a espácius dedicaus a repasal la atualidá topun Dos de tarde, un magazine vespertinu d'emisión diaria nel que amás de contal los hechus i noticias más senificativus del día, s'encruyin conexonis en diretu acia los puntos dela región ondi está la noticia, assina cumu entrevistas con invitaus en diretu, cocina, i en ocasionis, ata atuacionis musicalis nel su propiu prató.
Serviciu púbricu
[adital | adital cóigu]Nel referente a espácius con vocación de servíciu púbricu, sin tenel en cuenta los servícius enformativus dela cadena (los qualis trataremus más adelantri), topun dos programas muy importantis ena parrilla de Canal Extremadura, praticamenti dendi los encetus d'emisión dela cadena: Tu empleo i Escúchame. Tu empleo tieni cumu pesqui facilital ofertas d'empleu que tinen lugal en toa Estremaúra, assina cumu aconsejal a trabajadoris i empresarius dendrentu del mundu laboral. Respetu a Escúchame, el su propósitu es promovel i apoyal la deversidá acercandu el día a día delos estremeñus que cuentan con qualquier tipu de descapacidá, haciendu partícipis delas sus estorias alas audiéncias del programa. Vali señalal que, con Escúchame, Canal Extremadura tieni el méritu de sel, ata el momentu, la única cadena de televisión autonómica de España que cuenta ena su parrilla cun programa de televisión dedicau íntegramenti a dal vozi alos coletivus de pressonas con descapacidá.
Ena parrilla de Canal Extremadura poemus topal otrus programas consideraous míticus, pol tiempu que llevan n'antena; dangunus encrúsu dendi el prencepiu dela caena, cumu Puerta con puerta, que se dedica a dal a conocel los destintus puebrus dela región a través delos sus abitantis i delos laços i vivencias que dessistin entre ellus, de aí el nobri del programa; otru ejemplu de programa longevu ena televisión púbrica estremeña es El lince con botas, dedicau a divulgal, en forma de monográficus, las atividais colturalis i hechus socialis de releváncia acaecíus ena región.
Enformativus
[adital | adital cóigu]Ya en referencia alos enformativus, Extremadura Noticias, ai dos edicionis alas 14h i alas 20:30h, amás d'otru programa enformativu matinal mentau Ahora Extremadura i un programa de debati semanal llamau El Foro de Extremadura Noticias, nel que se reúnin los representantis delos prencipalis partíus políticus dela Asamblea d'Estremaúra pa ponel sobri la mesa los aspetus más destacaus del día i la emportáncia que suponin pal palramentu estremeñu. El canal autonómicu dedica el espáciu d'enformación deportiva, Extremadura Deportes, prencipalmenti pa enformal mayoritariamenti sobri los equipus de fúrbo i baloncestu estremeñus.
Amás, la televisión púbrica estremeña dedica espácius pa enformall sobri la atividá agropecuaria, la caça i la pesca, cumu La besana, Cazadores de lances i Entre hilos y anzuelos, respetivamenti. Tamién le dedica dos espácius ala enformación taurina: Nuestro campo bravo i Tierra de toros. En quantu al prime time, esti está dedicau a programas docushows de carátel estremeñu ondi tratan la estoria i coltura estremeña i las sus gentis, cumu Esta es mi casa, Muévete, Historia de Extremadura i los yá citaus dantis Puerta con puerta o El lince con botas. De igual horma s'emitin semanalmenti programas d'atualidá cumu 52 minutos, Reporteros de Extremadura, Informe Extremadura o Policías EXT. Amás de too estu el canal emiti cini americanu de lunis a vienis pola tardi i cini español los finis de semana pola tardi, i séries estranjeras, cumu Ley y Orden.
Imagin corporativa
[adital | adital cóigu]Quandu encetó las sus emisionis, dendi 2006 ata 2011, el logotipu era naranxa i verdi, juntu colas palabras CANAL extremadura. [5] Dendi 2012 ata 2013 el segundu logotipu tuvu el colol cristalizao cumu colol caraterísticu nesa etapa i el puntinu azul. El 8 de setiembri de 2016, coincidiendu col día de Estremaúra, cambió el colol, passándu-si a sel rossa un pocu escura i drentu del círculu el logotipu. Pol otru lau, el nobri anterior es 7 Canal Extremadura, dendi 2008 ata 2011, pa posicional el dial sieti col mandu a distancia.
-
Logu dendi 2005 a 2012 -
2016 - presenti
Eslóganis
[adital | adital cóigu]Los lemas que á iu gastandu la caena a lo largu dela su istória son los siguientis:
Tenemos mucho que ver (2012-2013)
Cuenta conmigo (2013-2014)
Para ti (2014-2016)
Nuestra Navidad (2011-2012)
Feliz Navidad (2010-2011)
Compartir lo que nos une (2016-2018)
Siempre contigo (2020-2021)
Orgullosos de lo nuestro (2019-2020)
Lo nuestro (2018-2019)
Tu vida (2021-2022)
Ahora+ (2022-presenti)
Audiéncias
[adital | adital cóigu]| eneru | febreru | marçu | abril | mayu | juniu | julliu | agostu | setiembri | outubri | noviembri | decembri | Media anual | |
|---|---|---|---|---|---|---|---|---|---|---|---|---|---|
| 2006 | - | 0,4%** | 2,1% | 3,4% | 5,0% | 5,2% | 5,1% | 5,4% | 5,5% | 3,9% | 4,3% | 4,8% | 3,8% |
| 2007 | 4,2% | 4,4% | 4,8% | 4,9% | 5,4% | 5,0% | 4,9% | 5,3% | 5,1% | 4,6% | 4,8% | 4,9% | % |
| 2008 | 4,5% | 4,6% | 4,7% | 4,4% | 5,0% | 4,7% | 4,5% | 4,0% | 4,0% | 4,1% | 3,9% | 3,7% | % |
| 2009 | 4,0% | 3,9% | 3,8% | 3,4% | 3,5% | 3,5% | 3,8% | 3,0% | 2,6% | 3,1% | 3,5% | 3,5% | % |
| 2010 | 5,9% | 5,6% | 5,9% | 4,8% | 4,0% | 4,3% | 3,5% | 3,6% | 2,7% | 3,2% | 3,7% | 4,0% | % |
| 2011 | 4,4% | 3,9% | 3,6% | 4,1% | 4,3% | 4,0% | 3,9% | 3,1% | 3,8% | 3,4% | 4,0% | 4,0% | % |
| 2012 | 3,1% | 3,5% | 3,4% | 2,7% | 3,1% | 2,6% | 2,5% | 2,5% | 2,9% | 3,1% | 3,5% | 3,4% | % |
| 2013 | 3,8% | 4,0% | 4,0% | 3,8% | 3,5% | 4,1% | 3,6% | 4,4% | 4,4% | 6,5% | 6,0% | 5,9% | % |
| 2014 | 6,5% | 5,6% | 5,8% | 6,1% | 6,0% | 6,2% | 4,6% | 4,3% | 5,7% | 5,8% | 5,7% | 5,6% | % |
| 2015 | 6,2% | 6,8% | 6,6% | 6,9% | 6,8% | 7,6% | 5,1% | 7,0% | 6,4% | 8,2% | 5,9% | 6,1% | % |
| 2016 | 7,0% | 7,5% | 6,1% | 6,4% | 6,3% | 5,2% | 4,5% | 4,3% | 4,7% | 5,5% | 4,9% | 4,8% | % |
| 2017 | 5,7% | 6,8% | 6,1% | 5,9% | 5,4% | 5,5% | 5,5% | 5% | 5,6% | 5,6% | 6,9% | 6,3% | 5,8% |
| 2018 | 6,7% | 7,1% | 6,3% | 5,4% | 5,1% | 5,3% | 4,9% | 5,1% | 5,2% | 6,3% | 6,3% | 6,1% | 5,9% |
| 2019 | 6,4% | 6,2% | 6,2% | 5,4% | 5,7% | 4,7% | 4,8% | 5,0% | 4,9% | 6,4% | 6,4% | 6,3% | 5,8% |
| 2020 | 5,9% | 6,1% | 6,8% | 6,4% | 6,3% | 6,4% | 5,7% | 5,3% | 6,2% | 7,5% | 5,8% | 5,7% | 6,2% |
| 2021 | 6,6% | 6,3% | 6,0% | 5,4% | 5,4% | 5,6% | 5,0% | 4,6% | 5,6% | 5,8% | 5,8% | 5,6% | 5,7% |
| 2022 | 5,1% | 5,3% | 5,1% | 5,2% | 4,8% | 5,3% | 4,5% | 4,2% | 4,9% | 5,0% | 5,1% | 5,3% | 4,9% |
| 2023 | 5,5% | 6,0% | 5,3% | 5,9% | 5,9% | 5,6% | 5,6% | 5,5% | 5,0% | 4,5% | 5,0% | 4,7% | 5,5% |
| 2024 | 4,3% | 4,5% | 4,3% | 4,1% | 3,9% | 3,5% | 4,0% | 4,2% | 4,5% | 4,9% | 5,3% | 4,7% | 4,4% |
| 2025 | 4,9% | 4,9% | 5,5% | 4,8% | 4,8% | 4,6% | 3,7% | 4,2% | 4,5% | 4,1% | 5,3% | 6,0% | 4,8% |
Vea-si tabién
[adital | adital cóigu]Referencias
[adital | adital cóigu]- ↑ Canal Extremadura TV - Bucle sinfín y primeras imágenes (2005 - 2006) | es-ES | https://www.youtube.com/watch?v=Wx76kT_XbmI | fechaacceso=2023-02-18
- ↑ Frecuencias de emisión de Canal Sur Extremadura-rtva.es (Internet Archive)
- ↑ Frecuencias de emisión de Canal Extremadura-canalextremadura.es (Internet Archive)
- ↑ Polémico adiós de Canal Sur-El Periódico de Extremadura-31/12/2002
- ↑ 5,0 5,1 Error en la cita: Etiqueta
<ref>no válida; no se ha definido el contenido de las referencias llamadas:1 - ↑ Canal Extremadura se vuelve a vestir de carnaval | 2023-02-06 | Canal Extremadura | es
- ↑ ¿Qué tienes que hacer para ver Canal Extremadura en HD? Dudas y respuestas | 2024-01-15 | Canal Extremadura | es
- ↑ El Gobierno aprueba mantener hasta 2024 las emisiones de Televisión Digital Terrestre en definición estándar para que la ciudadanía tenga más tiempo para adaptar los aparatos | planderecuperacion.gob.es | es