Castaña

La castaña es el frutu del castañu (Castanea sativa), arvu dela familia delas fagáceas, nativu de climis templaús del emisferiu norti. El frutu es una cápsula subglobosa mu espinosa (zurrón), deiscenti pol 4 valvas, que midi entri 5-11 cm de diámetru i que contieni ussualmenti 2-3 aquenius que son las castañas propiamenti ichas.

Descrición

Castañas mauras entavía nel su eriçu

Castañas sueltas.

Los aquenios, inque se puei tamién interpretral cumu «nuecis», nel sentiu botánicu del términu, midin unus 2-4 cm; tienin forma abombá hacia l’esteriol i la cara interiol plana (quandu ai más de 2, dambos dos laús delos centralis adotan una forma aplana). La basi, convessa u planoconvessa, de ca unu pressenta una ancha cicatris grisácea que correspondi a la su fijación ena cúpula esteriol, i el ápici, algu aguçau i a las vezis pelúu, conserva restus del estilu i sus estigmas. El pericarpiu, qu'es la «piel»/cáscara esteriol integra, inque puei pressental deiscencia pol rutura, tien colol pardu escuru («castañu») con bandas longitudinalis algu más escuras; es brillanti, prácticamenti liscu con imperceptiblis surcus irregularis longitudinalis dendi el ilu (escluíu) quasi ata el ápici. La su cara interna es abundantementi pelúa/aterciopelá, con largus i sinuosus pelus blanquecinus. Dichu pericarpu arrodea la semilla, qu'es ruminá, sin endospermu i envuelta pun tegumentu (epispermu) de colol canela, irregulal i íntimamenti pegau alos cotiledonis, penetrandu enas fisuras i irregulariais de las sus superficiis. Dicha semilla es la parti comestibli dela castaña.

Eriçu de castaña abiertu. Los Parralis. Jarandilla

Estória

Las castañas fuerun una importanti hunti d'alimentación nel sul de Uropa, nel suduesti i esti d'Asia i tamién nel esti de Nortiamérica, dantis dela plaga dela castaña. Duranti la Edá Medya, nel sul d'Uropa, las comuniais que abitaban cerca de bosquis de castañus i que tenían escasez de acesu a la harina de cereal, utilizaban las castañas cumu principal hunti de carboidratus.

Uropa

La castaña dulci hfe introducía en Uropa dendi Sardes, en Asia Menol; el frutu fue entoncis llamau «nuez sardiana». A siu un alimentu básicu nel sul d'Uropa, Turquia i el suduesti i esti de Asia duranti milis de añus, en sustitución de gran parti delos cerealis, quandu estus no crecían bien i, en tolos casus, enas çonas montañosas del Mediterráneo.

Gastus

Eriçu de castanha.

Las castañas se puein comel crúas, ervías, assás o dulcis. En Francia es común vendel un dulci de castaña. Una forma sencilla de assá-las es hazel un pequeñu corti en ca castaña i calentá-las nun contenel metálicu a Prantilla:Unidad duranti 10 o 15 minutus. El propóssitu del corti es evital qu'estallin duranti el processu d'assau.

Otru gastu importanti es la harina de castañas, con ella se puei preparal pan (pan de castañas), pastelis i pasta. En Córcega, pol exemplu, es la basi de a polenta (u a polenda) -que no ai que confundil con la polenta en su sentiu italianu, qu'es una sémola de maís-, una gacha de harina de castaña con agua, que fue, entri otrus, el desayunu tradicional dendi tiemprus inmemorialis, i que entavía es gastá acompañá de queisu frescu de cabra, de figatellu (una salchicha de ígau de cerdu) u de costillas de cerdu.

Las recetas gastronómicas de castañas están saliendu a relucil últimamenti con la recuperación de recetas tradicionalis, especialmenti en Italia.

Pa conserval las castañas estas tienin que estal completamenti secas dantis de retirarl la cápsula espinosa que las contieni, i dejá-las nuna caja u barril cubiertas d'arena fina.

La castaña constituyó un emportanti aporti calóricu pala pressona, i tamién palos animalis domésticus ya que se gastó su alimentación, debíu a que son ricas en grasas, proteínas, mineralis i en vitamina C.

Nel norti de España, la fiesta tradicional dela recogiá delas castañas que se realiza a finalis de outubri u prencipius de noviembri es el magosto en Estremaura i el oesti dela Provincia de Toledo, Galicia i en El Bierzo, amagüestu en Asturias, La Castanyada en Cataluña i magosta en Cantabria. En el País Vascu i Navarra dicha fiesta tradicional se denomina gaztañerre eguna (en euskera, «día dela castaña asá») u gaztain jana («comilona de castañas»). En Canarias tamién se celebra i se denomina «Castañada».

Castañicultura

El principal produtor de castañas es China, con cerca del 25 % dela producción mundial, destiná mayoritariamenti al consumu internu. Otrus produtoris importantis son Corea del Sur, Italia i Turquia.

España

N'España, la castañicultura está localizá sobri to en Galicia Estremaúra i Castilla i Lión, ondi se celebra el Magostu, n'Asturias, ondi a la fiesta de asal castañas i bebel sidra dulci se le llama amagüestu, i en Málaga. En Cataluña, la Castañada es el día 31 de outubri. n'El Bierzu (Lión) se celebra la Biocastanea.

Golipeal tamién

Castanea sativa Castañera Olla castañera Araucaria araucana (piñón u castaña patagónica) Bertholletia excelsa (Castaña de Pará) *Xanthoceras sorbifolium (castañu chinu floríu) Trapa natans (Castaña de agua) *Quercus ilex subsp. ballota (variedá de bellota dulci)