Cobitis vettonica
| [[File:|250px|Cobitis vettonica]] | |
| Otrus nombris: | {{{algotrasdenominacionis}}} |
| Destribución | |
| |
| Crassificación científica | |
| Autol | |
| Doadrio & Perdices, 1997 | |
| Estau de conservación | |
| |
La lamprea (Cobitis vettonica), tamién conocia comu colmilleja del Alagón[n 1], es una espécii de pezi la família Cobitidae endémica la cuenca el riu Alagón, en Estremaura. Enantis se creiba qu'era una subespécii de Cobitis paludica, peru agora es tratá comu una espécii diferenti originá pol aislamientu geográficu.[1]
Descrición
[Edital | Editá'l códigu]Se trata dun pezi relativamenti aplanau, con un longol menol de 10 centímetrus. A la contra qu'el restu los sus parientis, tien los barbillonis bucalis cortus abondu, a vezis cuasi invisibris. Las sus aletas, en general, son tamién más cortinas.
La espécii pressenta un huerti dimorfismu sessual, huendu las hembras muchu mayoris que los machus. La freça aconteci entri abril i juñu.[2] Son ovíparus i no realizan cudiaus parentalis dingunu.[3]
Destribución i ábita
[Edital | Editá'l códigu]Es una espécii endémica la Península Ibérica. La su ária destribución tien unus 50 km², i abita preferentimenti enos tramus con hondus con pieras de los culsus meyus i altus de los rius i arroyus pretenecientis a la cuenca el riu Alagón,[4] ena província Caçris i, mu puntualmenti, nel sul de la província de Salamanca. Prefii, pol tantu, auguas craras i ossigenás que, amás, están más a salvu la entervención umana.
Conselvación
[Edital | Editá'l códigu]Pol me la su poca capaciá dispersión, la degradación del su abitaeru pol parti el ombri i su utilización comu cebu vivu, las sus puebracionis án sufriu un gravíssimu descensu. Estu, agravau pola su escrusiviá i pola presséncia espéciis essóticas competioras, a propiciau que la Junta de Extremadura la encluya ena lista d'espéciis amenazás, catalogándola comu "Sensible a la alteración de su hábitat".[5]
Huentis
[Edital | Editá'l códigu]Notas
[Edital | Editá'l códigu]- ↑ Esti nombri, de nueva criación, mos vien pol me del español i se gasta pa deferenciala de l'otra colmilleja (Cobitis paludica), tamién pressenti en Estremaura i el restu la Península Ibérica.
Referéncias
[Edital | Editá'l códigu]- ↑ Pérez-Bote, J.L., Estatus y conservación de la ictiofauna en Extremadura
- ↑ Viciopesca.net. Colmillejas: Colmilleja del Alagón.
- ↑ http://contenidos.educarex.es/mci/2003/19/especies/colmillejadelalagon.htm
- ↑ Ministerio de Medio Ambiente: http://www.mma.es/secciones/biodiversidad/inventarios/inb/atlas_Peces/Cobitis_vettonica.htm
- ↑ Catálogo Regional de Especies Amenazadas de Extremadura
Bibliografía
[Edital | Editá'l códigu]- Pérez-Bote, J.L., Los peces de Extremadura. Universitas editorial, Baajó
- Pérez-Bote, J.L., Peces. Claves para la identificación de la fauna extremeña. Univelsiá d'Estremaura, Servicio de Publicaciones. Caçris, 2000