Constantin Brâncoveanu

Constantino Brancovan
Enhormación pressonal
Nacencia	15 de agosto de 1654 ; Brâncoveni (Principado de Valaquia)
Muerti	15 de agosto de 1714 (60 años); Constantinopla (Emperiu otomanu)
Causa de muerti	Decapitación
Familia
Pairis	Papa Brancovan ; Stanca Brâncoveanu
Cónyugi	Doamna Marica Brâncoveanu
Enhormación profissional
Enhormación religiosa
Canonización	Santo
Festividá	16 agostu
Firma
	[editar datos en Wikidata]

Constantinu Brancovan o Constantin Brâncoveanu (1654-15 d'abostu de 1714) fue gobernantí del prencipau de Valaquia entri 1688 i 1714.

Biografía

Ascensión

Descendienti dela familia de boyardos Craiovești i familial de Matei Basarab, Brâncoveanu tuvu nacencia ena acienda Brâncoveni i fue criau ena casa del su tíu, el "stolnic" Constantin Cantacuzino. Se viyu involucrau nel conflictu entri Constantin i Șerban Cantacuzino, i endispués ocupó el tronu endispués dela mesteriosa muerti de Șerban. Al prencipiu fue sostribau por Constantin Cantacuzino, inque los dos llegun al final a disputal violentamenti. Cantacuzino fue essiliau, i prencipió a promovel la causa del su iju Ștefan, mientris competía con Brancovan pol sostribamientu del Imperiu otomanu, de quien el prencipau de Valaquia era entoncís vasallu.

Pulítica

El prencepi escomenço a negocial alianzas anti-otomanas al prencepiu cola monarquía absbúrgica, i endispués cola Rusia de Pedro I: quandu en 1710 los rusus intervinun en Moldavia, el prencepi estableció contatus col zar i aceptó los sus regalus, mientris que la su rivaliá col prencipi moldavu Dimitrie Cantemir (el prencepal aliau regional delos rusus) previnu una medía política más drástica. En lugal dessu, Brancovan agrupó las tropas valacas en Urlaţi, cerca dela hunti moldava, asperandu que tropas rusas entraran nel su país pa ofrecel los sus servicius al zar, i tamién preparándu.si pala controfensiva otomana nel casu dun cambiu de hartuna. Quandu várius delos sus noblis boyardus ahorrun acia el campamentu rusu, el prencepi se viyu obrigau a elegil a favol delos otomanus u arriesgalsi a sel enemigu del Imperio otomanu, assín que devolvió rápidamenti los regalus que abie recebíu delos rusus.

Acionis cumu estas huerun denunciás al sultán Ahmed III. Brancovan fue depuestu del tronu i llevau arrestau ata Istanbul, ondi estuvu encarcelau en 1714 ena fortaleça de Yedikule. Ahí fue torturau polos otomanus, quienis asperaban averiguál ondi tenía axabargás la su supuesta fortuna. Él i los sus quatru ijus fuerun decapitaus en abostu, huntu col leal tesoreru Enache Văcărescu.

Sigún el su secretariu, Anton Maria del Chiaro, las sus cabeças fuerun llevás Sobri palus pola ciá d'Istanbul, un episodiu que causó hurgoneu ena ciá. Temiéndu-si una rebelión, encrusu polos musulmanis indignaus dela injusticia cometía en contra del prencepi, los sus ijus i el su cercanu colaboraol, s¡ordenó arrojál los cuerpus nel Bósforu. Unus pescaoris cristianus recugun los cuerpus delas aguas i los aterrunn nel monesteriu Halchi, cerca d'Istanbul.

Empresas colturais

Fue un gran patronu dela coltura. Duranti el su reinau, muchus testus rumanus, griegus, eslavónicus, árabis, turcus i georgianus forun imprimíus, endispués de que una imprenta cuna prensa fui-si establecía en Bucaresti, una institución supervisá por Antim Ivireanul.

Duranti el su reinau, s'originó en Valaquia el estilu arquitectónicu conocíu cumu "estilu Brâncovenescu", una síntesis delas arquiteturas renacentistas i bizantinas. Empresas colturais cumu estas se basun enel crecimientu delos impuestus, crecimientu determinau tamién pola pressión fiscal delos otomanus.

Ijuelas

L'intriga que marcó el ascensu de Constantinu i el su reinau, está reflejá enas crónicas del su tiempu, qu'están dividías dendi el puntu de vista ideológicu: "Letopisețul Cantacuzinesc", pressenta desfavorablementi el reinau de Şerban, i lo mesmu aizi "Cronica Bălenilor"; el relatu de Radu Greceanu es el retratu oficial del reinau de Brâncoveanu, mientris que Radu Popescu está en contra delos dueñus dela casa Cantacuzino. La "Historia Hieroglyphica" de Dimitrie Cantemir se centra en el conflictu, i reflejá la preferiencia de Cantemir por Constantin Cantacuzino, quien se convirtió en familial de Dimitrie Cantemir endispués del casamientu desti.

El ligeru reinau de Ștefan Cantacuzino viyu el declivi final delos Cantacuzino; él, juntu col su pairi, fue ejecutau polos otomanus, quienis vierun cumu solución pa prevenil el riesgu duna hartura valaco-rusa la imposición del rígidu sistema de dirigintis fanariotas, inaugurau nel principau de Valaquia por Nicholas Mavrocordatos, quien, pol su anterior reinau en Moldavia, es considerau tamién el primel lídel fanariota dessi país.

A causa dela su trágica muerti, Constantinu Brancovan llegó a sel el éroi de várias balás popularis rumanas, i fue tamién representau nalgunas moneas de Rumania. Sigún la Ilesia Ortodossa Rumana, el motivu dela su ejecución i la delos sus ijus fue el su rechaçu a renunciál ala fe cristiana, i a convertil-si al Islam. En 1992 la Ilesia lo declaró a él, alos sus hijus i a Enache Văcărescu, santus i mártiris - "Sfinții Martiri Binecredinciosul Voievod Constantin Brâncoveanu, împreună cu fiii săi Constantin, Ștefan, Radu, Matei și sfetnicul Ianache". El día del calendariu religiosu pa ellus es el 16 d'abostu.

La Nuversidá Constantin Brâncoveanu está en Pitești, inque tien tamién filialis en Brăila i Râmnicu Vâlcea.

Referencias

Anton Maria Del Chiaro, Revoluţiile Valahiei Prantilla:Wayback Letopiseţul Cantacuzinesc (en rumanu antigu) Biografía oficial dela Iglesia Ortodoxa Prantilla:Wayback (en rumanu) Monedas valacas gastaás en el tiempu de Brancovan Contratu de arrendamientu del prencipi, cuna su firma i sellu

Predecesol: -	{{{títulu}}} {{{períodu}}}	Sucesol: -