Embalsi e Proserpina

Presa e Proserpina

Proserpina es un embalsi assitiau a unus 4 qm del cascu urbanu e Méria hormau pol una presa romana nel regachu Las Pardillas, afluenti el riu Alhucén.

El güen estau el embalsi es ebiu a que, aluspués de la caia el Empériu romanu, cambeó la su hunción d’abastecimientu d’Emerita Augusta (meyanti el acuedutu romanu Los Milagrus) pol otrus finis, colo que s’acontinó cudiandu i moificandu.

Cabi destacal que se trata el embalsi artificial d’epoca romana mas grandi conociu nel mundu mediterráneu. La presa cuenta con 425 metrus de longol i 21 m de hondu, i es escapás d’embalsal alreol los 4 hm³.

Urbaniçacionis

Dos urbaniçacionis emeritensis compartin el embalsi e Proserpina (Urbaniçación Proserpina i Cuartu l’Albuera), queandu deseparás pola presa romana.

A pesal d’estal tan huntas, i a 4 qm del centru la ciá, son una tupa las deferéncias desistentis entri estas dos urbaniçacionis (en gran parti pol disponel la Urbaniçación Proserpina d’una asociación de vizinus, i Cuartu l’Albuera nu): mentris las callis de la Urbaniçación Proserpina estás asfaltás, s’án solucionau los pobremas del tendiu elétricu i cañerias, i s’á comunicau la urbaniçación cola ciá grácias a una línia d’autubús (inque solu ena epoca estival, cuandu la zona triplica la su puebración), dendi el Cuartu l’Albuera piin qu’el Ayuntamientu e Méria se haga cargu d’estus pobremas, entovia sin solucional.

Embalsi e Proserpina

Eifícius i servícius

• Museu el Áugua: assitiau unta la zona e baris, parti e mayol afluéncia e henti (pol sel un lugal perfetu pal bañu), es un eifíciu moelnu gastau pa espricoteal cúmu se abastecia d’áugua una ciá romana.
• Eifíciu la Crús Roha
• Elésia e Proserpina
• Club de campu "Tiro de Pichón"
• Camping Proserpina

Atihus

• Estau el embalsi e Proserpina
• www.turismoextremadura.com
• www.traianus.rediris.es