Eva González Pérez

Eva González Pérez
	; Eva González Pérez en 2021
Enhormación pressonal
Nacencia	12 de junio de 1973 (51 años); Cáceres (España)
Nacionalidá	Española
Educación
Educau en	Universidad de Utrecht
Enhormación profissional
Oficiu	Avogau
Sitiu web	www.advocatencollectieftrias.nl/ev.html
Destincionis	Caballero de la Orden de Orange-Nassau (2021) ;
	[editar datos en Wikidata]

María Eva González Pérez (Caçris, 12 de juñu del 1973) es una avogá española que vivi i trebaja enos Paisis Baxus, especializá ena revindicación delos derechus delos imigrantis, unu delos sus trebajus hizu arrenuncial al Goviernu de Mark Rutte nel 2021.

Biografía

La su nacencia hué en Caçris i ala edá de dos añus emigró conos sus pairis pa Olanda. Devíu al trebaju delos sus pairis, anduvu muchas vezis con rollas i conos sus agüelus. Estuyó Derechu ena Nuversidá d'Utrecht i se grauó nel añu 2000. Dendi'l 2001, desenroa el su trebaju d'avogá enos Paisis Baxus.^[1]

Güelvi a Sa Martín de Trevellu (Caçris) sempri que puei i possimenti tolos añus palos Antruejus. Palra mañegu (la fala del su puebru), que sempri l'án palrau ena su casa conos sus pairis i que la palra conos sus ijus tamién, alos que l'aquaca abondu.^[2]

Correúra profissional

Nel añu 2014, esmençó a trebajal en el assuntu qu'acabijó cona demissión del Goviernu de Mark Rutte nel 2021.^[3] L'agencia de cudiaus que nel 2014 derigía el su ombri, conocía los poblemas qu'esmençavan a tenel los sus vezerus p'acebil las ayúas del estau, suvencionis palos pairis pa poel acomoal pessonas que les ayúin en el cudiau delos sus ijus. Ella assesoró alos vezerus d'esta agencia de gestión de cudiaoris assitiá n'Eindhoven, paque mandaran los decumentus solicitaus pola Almenistración Tributaria. Quandu provó que l'agencia tributaria les dessigía degolvel las suvencionis acebías, arreparó de que la Almenistración no les dava nenguna espricación, bloqueava las sus alegacionis i dexava namás la oción d'apelal. Antoncis concentró el su trebaju nesti assuntu pa lleval-lu alos tribunalis. Apeló alos organismus pa proval la descriminación que exercía la Hazienda nerlandesa al assental el país de naceru de ca unu delos ventisseis mil solicitantis afetaus, possimenti marroquín i turcu. En deziembri del 2020, un comité palramentariu hizu púbricu un inhormi nel que reconocía l'avenencia alos pairis solicitantis delas ayúas con descriminación razial, detetandu marrus hechus pola Almenistración i utoridais nerlandesas.^[4]^[5]

Los defeutus hechus ena assinación delos fondeus pal cudiau delos zagalinus, passarun entri los añus 2013 i 2019. El marru acarreó l'arretirá delas ayúas i la dessigencia de degolvel las acebías. Nel 2018 l'assuntu se hizu púbricu i acarreó la demissión del menistru dela Hazienda, Menno Snel. El ruqueu nesti assuntu á acarreau tamién la demissión del Goviernu nerlandés en heneru del 2021, dos mesis anantis de sel las elecionis generalis.^[3]^[6]

Premius i reconocencias

La deputá Renske Leijten dixu: "Esta mugel mereci una estauta, nombris delas callis i delas praças", refiriendu-si ala valentía de González Pérez al trebajal nesti assuntu pa desclarecel la descriminación ena almenistración delos Paisis Baxus ena contra delos derechus fiscalis delos imigrantis.^[4]

Nel añu 2022 á siu proponía p'agencial-si la Medalla d'Estremaúra. Mássimu destinguimientu qu'atorga la Comunidá Utónoma estremeña.^[2]

Premiu Don Justu José Manuel Maza 2020

Tamién hué galardoná col Premiu Don Justu José Manuel Maza 2020, concedíu en onol a José Manuel Maza, polos sus eshuerçus ena custión del recargu. El premiu s'entriegó el nuevi de juñu del 2021 nel Ateneu de Mairil. Esti premiu lo atorgan dendi'l 2006 l'Agrupación Justicia i Coltura, la Casa d'Úbeda i l'Associación Justicia i Opinión. L'actu á contau cona presencia de pessonalidais del Tribunal Suplemu d'España i otrus destacaus juritas.^[7]

Premiu "Puñetas de Prata" 2020

El cincu d'otubri del 2021, González Pérez acebió nel Estitutu Francés de Mairil el "Premiu Puñetas" dela Associación de Comunicaoris i Inhormaoris Jurídicus (ACIJUR), pol antigu menistru de Justicia Rafael Catalá Polo, cono que se precura reconocel, en deferentis categorías, la labol de pessonas, estitucionis o coletivus pola su aportación al amejoramientu dela justicia i el Estau de Derechu en tolos sentíus.^[8]

Premiu nacional Jurita del Añu 2021

El Colegiu d'Avogaus de Málaga i la Hundación Manuel Alcántara án atorgau el premiu nacional al Jurita del Añu ala avogá Eva González Pérez, cúyu denunciu ena contra de degolvel las ayúas púbricas delos pairis pol cudiau delos sus ijus, ahinchonó la caía del Goviernu Olandés nel 2021.^[9]

Referencias

↑ «Eva, la abogada española que ha derribado al Gobierno holandés: "Merece una estatua"». El Español. 15 de enero de 2021. Consultado el 25 de julio de 2023.
↑ ^2,0 ^2,1 Ventura, Juan José (8 de septiembre de 2022). ««Dedico esta medalla a todos los que salieron de Extremadura a ganarse la vida como mis padres»». El Periódico Extremadura. Consultado el 26 de julio de 2023.
↑ ^3,0 ^3,1 Alonso, Ana (15 de enero de 2021). «Una abogada española, tras el escándalo que provoca la caída del gobierno holandés». El Independiente. Consultado el 25 de julio de 2023.
↑ ^4,0 ^4,1 «The Spanish lawyer who holds Prime Minister Mark Rutte in check - Digis Mak». web.archive.org. 17 de enero de 2021. Archivado desde el original el 17 de enero de 2021. Consultado el 25 de julio de 2023.
↑ 20minutos (16 de enero de 2021). «Eva González, la abogada española que tiene en jaque al gobierno de Holanda». www.20minutos.es - Últimas Noticias. Consultado el 25 de julio de 2023.
↑ «Eva González Pérez, la abogada española que propició la caída del Gobierno holandés». Diario ABC. 15 de enero de 2021. Consultado el 25 de julio de 2023.
↑ «Premiu Justu José Manuel Maza». Consultado el 25 de julio de 2023.
↑ Kluwer, Wolters (5 de octubre de 2021). «María Luisa Segoviano recibe el Premio “Puñetas de Oro” de Acijur». Cinco Días. Consultado el 25 de julio de 2023.
↑ «Abogacía de Málaga». ABOGACÍA DE MÁLAGA. Consultado el 25 de julio de 2023.

Atijus p'ahuera

Datos: Q104851210
Multimedia: Eva González Pérez / Q104851210

[:0-1] «Eva, la abogada española que ha derribado al Gobierno holandés: "Merece una estatua"». El Español. 15 de enero de 2021. Consultado el 25 de julio de 2023.

[:6-2] 2,0 ^2,1 Ventura, Juan José (8 de septiembre de 2022). ««Dedico esta medalla a todos los que salieron de Extremadura a ganarse la vida como mis padres»». El Periódico Extremadura. Consultado el 26 de julio de 2023.

[:3-3] 3,0 ^3,1 Alonso, Ana (15 de enero de 2021). «Una abogada española, tras el escándalo que provoca la caída del gobierno holandés». El Independiente. Consultado el 25 de julio de 2023.

[:1-4] 4,0 ^4,1 «The Spanish lawyer who holds Prime Minister Mark Rutte in check - Digis Mak». web.archive.org. 17 de enero de 2021. Archivado desde el original el 17 de enero de 2021. Consultado el 25 de julio de 2023.

[:2-5] 20minutos (16 de enero de 2021). «Eva González, la abogada española que tiene en jaque al gobierno de Holanda». www.20minutos.es - Últimas Noticias. Consultado el 25 de julio de 2023.

[6] «Eva González Pérez, la abogada española que propició la caída del Gobierno holandés». Diario ABC. 15 de enero de 2021. Consultado el 25 de julio de 2023.

[7] «Premiu Justu José Manuel Maza». Consultado el 25 de julio de 2023.

[:4-8] Kluwer, Wolters (5 de octubre de 2021). «María Luisa Segoviano recibe el Premio “Puñetas de Oro” de Acijur». Cinco Días. Consultado el 25 de julio de 2023.

[:5-9] «Abogacía de Málaga». ABOGACÍA DE MÁLAGA. Consultado el 25 de julio de 2023.

[1]

[2]

[3]

[4]

[5]

[6]

[7]

[8]

[9]