Ir al contenido

Fátima Anllo Vento

Dendi Güiquipeya
Fátima Anllo Vento
Enhormación pressonal
Nacencia 1958 Ver y modificar los datos en Wikidata
Madrid (España) Ver y modificar los datos en Wikidata
Nacionalidá Española
Enhormación profissional
Oficiu Activista, gestor cultural y vestigaol Ver y modificar los datos en Wikidata
[editar datos en Wikidata]

Fátima Anllo Vento (Mairil, 8 de marçu del 1958) es una vestigaora coltural española alvertía enas políticas colturais i una delas primeras ena entrodución dela gestión coltural n'España.

Biografía

[Edital | Editá'l códigu]

La su nacencia hue en Mairil, nel 1958. Estuyó melecina i operación ena Nuversidá Utónoma de Mairil i ena Nuversidá de Valladolís, ena que se licenció nel añu 1983. Endispuesinu, se tituló en Anatomía Patológica nel Ospital Nuversitariu Ríu Hortega de Valladolís.[1]

Nel 1988 el su interés pola coltura i las artis le hazierun de abandonal la plática dela melecina i central la su atividá nel campu coltural. Duranti'l 1989 i el 1990 cussó estuyus de Maestría o double major, en Gestión d'Artis Visuais i Artis Ecénicas ena Nuversidá de Nueva York. Nel añu 1996 hue becá pol European Consortium for Political Research (ECPR) pa estuyal Social Data Analysis and Collection ena Nuversidá de Essex. S'á hormau en gestión i desenrou apreparacional en el IEEP i el Tavistock Institute de Londri. Pa marçu del añu 2017 se dotoró en Sociología i Antropología ena Facultá de Sociología i Cencias Políticas dela Nuversidá Complutensi de Mairil, cona su tesi mentá "Participación i poel ena governança delas políticas colturais. El casu dela política musical del Estáu español duranti la etapa democrática" (1978-2013).[2]

Correúra profissional

[Edital | Editá'l códigu]

Esmençó la su atividá ena coltura comu profissional endependienti. Mentris que anduvu pa Nueva York, calaboró con angunas delas entiais endependientis mas destacás dela ciá comu'l teatru La MaMa Experimental Theatre Club, una delas salas hundaoras dela movición Off-Off-Broadway o The Kitchen. La su calaboración col Departamentu d'Estitucionis Colturais del New York City Department of Cultural Affairs del Ayuntamientu de Nueva York, pa arrepassal el procedimientu de suvencionis, le permitió conocel l'avenencia dentri lo púbricu i lo privau enos Estaus Uníus.[3]

La su correúra profissional está legá hundamentalmenti al vencijón dela maestrança i dela vestigación coltural n'España. Hue delas primeras ena maestrança de gestoris colturais n'España. Nel 1991 inseñó i pussu a furulal pal Estitutu Complutensi de Cencias Musicais (ICCMU), la Maestría en Gestión Coltural: Música, Teatru i Dança dela Nuversidá Complutensi de Mairil, qu'avía siu solicitau pol Estitutu delas Artis Ecénicas i dela Música (INAEM) del Menisteriu de Coltura. Son unas delas maestrías mas antiguosas i de mayol déssitu dela UCM, pos á acupau el primel puestu dentri los mejoris posgraus de gestión coltural n'España duranti trezi añus delos catorzi que s'án pubricau.[4]

Nel añu 1997 hue nombrá Diretora del Departamentu d'Estuyus i Mecenasgu dela Hundación Autol, hundá pola Sociedá General d'Autoris i Editoris (SGAE) essi mesmu añu pal difundimientu del arti i el patrimoñu coltural,[5][6] dendi ondi s'apuchó l'esmiençu de varius proyeutus tamién delos primerus, dentri ellus las Encuetas sobri Ábitus i Pláticas Colturais n'España,[6][7] que dendi'l 2005 passó a hazel el Menisteriu de Coltura,[8] la criación del Centru de Vestigacionis de Mercau Coltural (CIMEC), los Anuarius SGAE delas Artis Ecénicas, Musicais i Udiuvisuais,[9] la lavoración del Mapa Inhormatizau de Recintus Ecénicus i Musicais n'España (MIREM),[10] qu'es una herramienta entavía vália qu'ayuó a trashormal los sistemas de produción ecénica i la criación dela Colección Datautor, pal esparigeu de vestigacionis colturais nel ambienti delas cencias sociais.

Dentri los añus 1999 i 2000 acetó la Direción General de The History Channel Iberia, B.V., impresa qu'entroduzió el canal de televisión The History Channel nel mercau ibéricu, col nombri de El Canal de Historia n'España i O Canal de Historia en Portugal.[11] Hormó parti del comité centíficu del Congressu Entrenacional "Lugaris de Coltura. Criatividá pal desenrou", celebrau en Santiagu de Compostela nel 2009 i nel 2010 hue secretaria dela conferencia Movilidá d'Artistas i Producionis d'Artis Ecénicas i Música ena Unión Uropea.[12]

Dentri los muchus cussus i seminarius colturais qu'á dau s'encuentra el XIII Seminario Internacional Oracle entri marçu i abril del 2011, organizau pola Redi Uropea ORACLE de Gestoris Colturais en el Estitutu Complutensi de Cencias Musicais dela UCM. Tamién en Mairil, dió En busca del arca perdida. Fundrashing para organizaciones culturales, en mayu del 2012 i cordinó la mesa reonda ena sessión Marco conceptual y análisis del contexto, dela encontrança pal desenrou dela coperación púbrica-privá enas artis ecénicas que se celebró nel Centru Coltural Puerta de Toleu de Mairil en marçu d'essi mesmu añu.[13]

Tamién hue mu emportanti nel desenrou del Pran Estratégicu de Coltura de Pamplona, acupando el cargu de Diretora centífica. Los ojetivus d'esti pran son apuchal la presencia delas artis i la coltura ena vida corrienti.[14]

Nel 2013 participó ena mesa reonda Dinamización cultural pal cussu dela Nuversidá Complutensi mentá "Dendi la Criación ala Representación. Las Mugeris comu Profissionais del Arti".[15] Nel 2014 hizu una ponencia nel VII Seminariu Entrenacional del Osservatoriu Coltural del Proyeutu Atalaya en Güelva. Esti Seminariu se crió comu un espaciu de reflessión sobri'l momentu que vivi la maestrança nuversitaria i no nuversitaria nel campu dela gestión coltural.[16]

Correúra vestigaora

[Edital | Editá'l códigu]

Nel 2014 abandonó la maestrança pa central-si ena vestigación orentá hazia la ación i la dezisión enas políticas colturais. Pa estu, hundó el Osservatoriu de Criación i Coltura Endependienti (OCI), entidá dedicá a promovel el desenrou del setol de criación endependienti n'España por mé del estuyu i vestigación dela su ralidá, poblemas i nessecidais.[17] Son especialmenti conocías las vestigacionis anuais que vieni haciendu sobri la sitación delas compañas de dança endependienti n'España.[18]

Las sus prencipais arias de vestigación sonin las políticas colturais i la ación coletiva, n'especial tolo relacionau cona participación dela ciadanía enas artis i el desenrou i la governança democrática. Es biembru del Conseju Assessol dela Revista Entrenacional de Gestión i Coltura Contemporánea G+C, dendi'l añu 2008 al 2013 editá pol Aria de Trebaju, S.L., embaxu la direción del responsabli del Aria d'Artis Ecénicas Abraham Martínez i aondi pubrica artícalus comu el mentau Por una actualización de la gestión cultural en las artes escénicas.[19]

Hizu las pubricacionis relacionás con Políticas Colturais dela Coleción Polítopias, editá por Marcial Pons i derigia ala pubricación de crássicus delas Cencias Sociais i estuyus del presenti. Dentri'l 1992-1997 derigió la Coleción: Decumentus en Gestión Coltural, del Estitutu Complutensi de Cencias Musicais, UCM i pubricó l'artícalu ¿Qué es el patrocinio? Apuntes para la Reflexión ena Hundación Arti Tripharia de Mairil. Nel 2019 lavoreó el Informe sobre la aplicación de la Ley de Igualdad en el ámbito de la cultura en el marco competencial del Ministerio de Cultura y Deporte.[20]

Á cordinau nel 2022 la Guía para la adopción de medidas de acción positiva en el ámbito de la cultura editá pol Centru d'Estuyus Políticus i Costitucionais.[21]

Correúra fiminista

[Edital | Editá'l códigu]

Es conocía amás pol su defendimientu del fiminismu i los sus eshuerçus por conseguil el apoderamientu delas mugeris gestoras, sigún las sus parabras. Es biembru del Conseju d'Assessoras de Mugeris enas Artis Visuais (MAV), associación entresetorial de mugeris del arti moernu español.[22][23]

Col motivu del celebramientu del Día Entrenacional dela Mugel, el día sieti de marçu del 2017, se celebró en Mairil la encontrança Coltura i mugeris, con associacionis de mugeris ena coltura, cona participación amás de Fátima Anllo, de Virginia Yagüe, presienta dela Associación de Mugeris Cineastas i de Meyus Udiuvisuais, Margarita Borja, presienta de Crássicas i Moernas, Associación pala igualdá de géneru ena coltura Moerna i moderau por Concha Hernández, diretora del Festival Ellas Crean i del Centru Coltural Condi-Duqui de Mairil.[24] En juñu d'esti mesmu añu hizu las concrussionis del foru mentau Análisis de la Circulación de Espectáculos en Estado Español: Conocer y Comprender para Mejorar, celebrau en Almagru (Ciá Real) i apreparau por La Red Española de Teatros, Auditorios, Circuitos y Festivales de titularidad pública.[25] En novembri d'essi mesmu añu, participó ena mesa reonda Las mugeris i el poel nel sistema del arti, ena Segundera edición del Foru dela associación Mugeris enas Artis Visuais (MAV) celebrá en Matadero, centru coltural del Ayuntamientu de Mairil.[26]

En mayu del 2021 hue elegía presienta dela associación española Crássicas i Moernas.[27] Duranti'l 2021-2022 derigió el proyeutu trasmedia ¿Por qué firmé con nombre de hombre?,[28] visibilizandu las estorias dela vida de nuevi mugeris de varias diciplinas con nacencia enos siegrus XVIII i XIX, que pubricarun la su obra col nombri d'ombris.[29]

Referencias

[Edital | Editá'l códigu]
  1. ↑ «Crássicas i moernas» [Reseña biográfica]. Consultado el 17 d'abril del 2024. 
  2. ↑ Anllo Vento, Fátima (2017). «Participación y poder en la gobernanza de las políticas públicas: el caso de la política musical del estado español 1978-2013». Dialnet (Universidad Complutense de Madrid). Consultado el 17 d'abril del 2024. 
  3. ↑ «Las Mugeris i el poel nel sistema del arti». Consultado el 17 d'abril del 2024. 
  4. ↑ «Mejores masters y posgrados». ELMUNDO. 21 de junio de 2023. Consultado el 17 d'abril del 2024. 
  5. ↑ «El Cultural - Revista de cultura y artes referente en España - Elcultural.com en El Español». El Español. Consultado el 17 d'abril del 2024. 
  6. ↑ 6,0 6,1 Blazquez, Yolanda (14 de julio de 1998). «La SGAE facilita a distribuidores y empresarios una lista informatizada de 500 recintos escénicos». El País. ISSN 1134-6582. Consultado el 17 d'abril del 2024. 
  7. ↑ «Informe SGAE sobre hábitos de consumo culturalSociedad General de Autores y Editores - Librería Tirant Lo Blanch». libreria.tirant.com. Consultado el 17 d'abril del 2024. 
  8. ↑ «Encueta d'ábitus i pláticas colturais». Consultado el 17 d'abril del 2024. 
  9. ↑ «Aunariu delas artis ecénicas, musicais i udiuvisuais». Consultado el 17 d'abril del 2024. 
  10. ↑ «Mapa de recintus ecénicus». Consultado el 17 d'abril del 2024. 
  11. ↑ País, El (2 de junio de 2000). «Un canal temático impulsa el Día de la Historia con el respaldo de la Academia». El País. ISSN 1134-6582. Consultado el 17 d'abril del 2024. 
  12. ↑ «Europa, "campo de inspiración para otras culturas"». elDiario.es. 25 de mayo de 2010. Consultado el 17 d'abril del 2024. 
  13. ↑ «APGCC | Professionals de la gestió cultural». gestiocultural.org. Consultado el 17 d'abril del 2024. 
  14. ↑ PAMPLONA, DN ES (7 de junio de 2011). «Pamplona, primera ciudad española en incorporar la participación de los ciudadanos en fases de política cultural». diariodenavarra.es. Consultado el 17 d'abril del 2024. 
  15. ↑ «Dendi la criación ala representación. Las mugeris comu profissionais del arti». Consultado el 17 d'abril del 2024. 
  16. ↑ «Panel de experiencias ¿Qué formación necesita la gestión cultural? VII Seminario Internacional del Observatorio Cultural del Proyecto Atalaya». web.archive.org. 24 de julio de 2018. Archivado desde el original el 24 de julio de 2018. Consultado el 17 d'abril del 2024. 
  17. ↑ «Equipo – OCI, Osservatoriu de Criación i Coltura Endependienti». Consultado el 17 d'abril del 2024. 
  18. ↑ Roca, Ana Teresa (20 de diciembre de 2018). «Más espectáculos con más bailarines, pero más precarios». El País. ISSN 1134-6582. Consultado el 17 d'abril del 2024. 
  19. ↑ «G+C Revista de gestión i coltura». Consultado el 17 d'abril del 2024. 
  20. ↑ «Inhormi sobri la aplicación dela lei d'igualdá nel ambienti dela coltura». Consultado el 17 d'abril del 2024. 
  21. ↑ Vento, Fátima Anllo; Sánchez, Yolanda Gómez (2022). Guía para la adopción de medidas de acción positiva en el ámbito de la cultura. Centro de Estudios Políticos y Constitucionales. Consultado el 17 d'abril del 2024. 
  22. ↑ Miranda, Marta García (7 de noviembre de 2018). «La danza en España: precaria, inestable y autoexplotada». cadena SER. Consultado el 17 d'abril del 2024. 
  23. ↑ España, El Periódico de. «El Periódico de España | epe.es». elperiodicodeespana. Consultado el 17 d'abril del 2024. 
  24. ↑ «Ellas Crean. Teatru, dança, música.». Consultado el 17 d'abril del 2024. 
  25. ↑ «Analís dela circulación d'espetáculus del Estau Español». Consultado el 17 d'abril del 2024. 
  26. ↑ «FORO MAV 2017 | Matadero Madrid». www.mataderomadrid.org. 17 de noviembre de 2017. Consultado el 17 d'abril del 2024. 
  27. ↑ «▷ Elecciones». Clásicas y Modernas. Consultado el 17 d'abril del 2024. 
  28. ↑ «El Proyecto». Transmedia. Consultado el 17 d'abril del 2024. 
  29. ↑ «¿Por qué firmé con nombre de hombre?». Transmedia. Consultado el 17 d'abril del 2024. 

Atijus p'ahuera

[Edital | Editá'l códigu]
Arrecuperau dendi "https://ext.wikipedia.org/w/index.php?title=Fátima_Anllo_Vento&oldid=131121"