Fabula praetexta
La fabula praetexta es el héniru dramáticu romanu pol esceléncia.
Esti héniru dramáticu alcibió el nombri de praetexta u praetextata pol sel la pretesta el vistiu cerimoniosu romanu, el qual vistian los artus mahistraus i saceldotis, en oposición al pallium griegu. Pol mé el hatu, se quiel refrehal la temática el drama romanu frenti al del teatru griegu. Amás esta era la vestimenta con que entepretaban los autoris dichu drama.
Orihin
[Edital | Editá'l códigu]El teatru romanu era a lo primeru de caraiti emprovisau, licenciosu i própiu el puebru. A partil de Líviu Andrónicu escomençó a cuental con cierta ténica i cúdiu, pusiendi escenificación, testu escritu previamenti i contratandu atoris professionalis. El héniru pretestau hue enventau pol Néviu nel sigru II e. C. i se cautivó hata el sigru I, andi pol mé la emposición el empériu, hue censurau tras un largu periodu de desenterés púbricu pol espetáculu teatral.
Temática
[Edital | Editá'l códigu]Los temas narraus ena trahédia pretesta son hechus própius la estória romana, assinque los pressonahis representaus tuvun dessisténcia, frenti a los de los mitus griegus. Amás, en estandu sostribá en hechus estóricus romanus, el atihu políticu i social era inevitabri.
Autoris i obras
[Edital | Editá'l códigu]Hue un héniru prolíficu i cuentó con un haci obras, de la que namás abemus cachinus u tan siquiá los títulus. Apeninas una obra, la Octauia, s’á conselvau entera pol tradicionalmenti ascrebílsila al cordubés Séneca, anque de huru nu era suya. Velequí los autoris i obras de los qu’abemus enteración:
- Néviu: Clastidium, Romulus, Alimonium Romuli et Remi.
- Éniu: Ambracia, Sabinae, Scipio, Sota.
- Pacúviu: Paullus.
- Áciu: Brutus, Decius uel Aeneadae.
- Pompóniu Segundu: Aeneas.
- Curiáciu Maternu: Cato, Domitius.
- Séneca(?): Octauia.
Bibliografia
[Edital | Editá'l códigu]- Bayet, J., Literatura latina, Ariel, Barcelona, 19702.