Gallina estremeña azul

Gallina estremeña azul (Estremeña Azul)

Otrus nombris:	{{{algotrasdenominacionis}}}
Destribución

Crassificación científica
Reinu	Animalia
Filu	Gallus
Crassi	Gallina
Ordin	Tinamihormis
Familia	Tinamidae
Géneru	Estremeña Azul
Especii	Gallus gallus domesticus
Autol
100% d'origi
Estau de conservación

La gallina estremeña azul es una raza de gallina d'origi d'Estremaúra. Es una avi de tipu entrimeyu dentri las del tipu mediterráneu i las del tipu alánticu, algu mas ligera que las meyupesás. Tién pruma lisa, cresta simpli i corvejón empeletusu.

Origi[Edital | Editá'l códigu]

La raza Estremeña Azul esmenzó a ahormal-si assina enos añus ochenta del siegru XX. Nel 1991, la Junta d'Estremaúra entroduxu un pograma pala recuperación dela Gallina Estremeña Azul.^[1]

Polas sus baxas nesseciais alimenticias, s'á criau tradicionalmenti en libertá enos cortijalis. La su caraitirística mas apreciá es lo rebusta que pué llegal a sel, pos tién mucha resistencia a las maluras, las sus baxas nesseciais de comestiblis, la su albeliá pa pastal i esmangajal i el su güen comportamientu comu mairi de criança.^[2]

Datus delas hechuras[Edital | Editá'l códigu]

Es una Avi entrimeya dentri las de tipu mediterráneu i las de tipu alánticu. Es de pruma lisa, cresta simpli i corvenjón empeletusu. Tién tres variedais de colol del prumagi que sonin de gris, de brancu suziu, que es brancu salpiqueteau de gris o negru y de negru con jaspeaus verdis. Los sus caraitis pa destinguil sonin el colol del prumagi del assientu en gris, el de las orejinas que sonin roxas o con mas del colol roxu que del brancu, enque cona edá pué acrecel la cantidá de brancu y el delos corvejonis que sonin verdis i de piel amarilla. Tamién el colol del güevu qu'es morenu craru col tonu arrosau o marfileñu.^[2]^[3]

Caraitirísticas[Edital | Editá'l códigu]

Prumagi: sonin tres variedais de colol, la gris, la branca suzia i la negra.^[3]
Güevus de gallina estremeña azul
Güevus: sonin de 53 g lo menus, col cascarón de colol morenu craru col tonu arrosau o marfileñu.^[2]
Pesu: el gallu de 2,5 a 4,2 Kg i la gallina de 1,3 a 3,2 Kg.^[3]

Nel 2022 avía censás mil cientu noventa i cincu avis, en trenta i tres ganaerías, aondi mil noventa i seis exempraris están n'Estremaúra, en trenta ganaerías. Amás ai noventa i nuevi exempraris repartíus dentri una ganaería en Castilla i León, sotra en Cataluña i sotra en Castilla i La Mancha.^[4]

Pograma de criança[Edital | Editá'l códigu]

Nel 2017 s'esmençó l'andil dela su recuperación i destensión. Essi añu prencipió a hormal parti del Catálagu Oficial delas Razas del Ganau d'España i nel 2021 se hizu col logotipu de Raza 100% d'Origi del Menisteriu d'Agricoltura, Pesca i Alimentación (MAPA) pala carni, güevus i produtus lavoreaus d'esta raza.^[5]

Nel añu 2020 la Junta d'Estremaúra aprovó el Pograma de Criança dela Gallina Estremeña Azul, raza d'origi en paragi de destinguil. El proponimientu del pograma, que tién el su usu n'España i Portugal, es la conservancia d'esta raza.^[6]