Olegario León Gutiérrez

Esti artícalu no tien huentis ni referencias Los conteníus duosus debin sel corretamenti atijaus pa demuestral que no se trata de vestigacionis primarias.

Olegario León Gutiérrez
Enhormación pressonal
Nacionalidá	Española
Enhormación profissional
Oficiu	Escrevienti

Olegario León Gutiérrez hue un melital i pueta estremeñu.

Biografía

Olegario tuvu nacéncia ena ciá cacereña de Cória nel 1906. Arcançó el rangu de sutenienti el ejélcitu airi. Nel retiru la su jubilación s'enlió a escrebil puesia, tantu n'estremeñu comu en castellanu, colaborandu nangunas revistas i pogramas festejus.

Olegario enfeneció el 1 Agostu el 1991, en Cória.

Obra

L'obra León Gutiérrez albarca destintas holmas métricas i luengas. Son asseñalabris los sus sonetus en castellanu, anque la su obra A la Caura Vettona arrecogi puesias en estremeñu, polas que es mas sonau. El librinu lo espubricó en Cória nel 1984.

Siguiol la escuela grabielana, los puemas León Gutiérrez gastan el artustremeñu con ortografia castellana. El Romanci de la "Payenga" s'enclui ena Primera Antología de Poesía Extremeña.

Bibliografia

• León Gutiérrez, O., A la Caura Vettona, Cória, 1984.
• Martínez Terrón, L., Primera Antología de Poesía Extremeña, Caçris, ei. autol, 2005.

Atijus p'ahuera

• Puesias en estremeñu de A la Caura Vettona

• Datos: Q25689072