Winston Churchill

Churchill en 1941.

Sir Winston Leonard Spencer Churchill (Woodstock, 30 noviembri de 1874 - Londri, 24 jeneru de 1965), conocíu comu Winston Churchill, hue un políticu, milital, escreviol i estadista británicu que hue primel menistru del Reinu Uníu de 1940 a 1945, duranti la Segunda Guerra Mundial, i de nuevu de 1951 a 1955 por parti del Partíu Conservaol. Enque más conocíu por vel encabeçau al su país en tiempus de guerra comu primel menistru, Churchill tamién sirvió comu soldau tras vel estudiau en Sandhurst, hue un escreviol i estoriaol ganaol del Premiu Nobel de Literatura, un pintol prolíficu i unu delos políticus con más añus de serviciu ena estoria británica. Salvu dos añus, entri 1922 i 1924, hue biembru del Palramentu de 1900 a 1964 i representó a cincu distritus eletoralis. Ideológicamenti liberal i capitalista dendi'l puntu de vista conómicu, duranti la mayol parti dela su carrera militó nel Partíu Conservaol, que derigió de 1940 a 1955, enque tamién estuvu nel Partíu Liberal de 1904 a 1924.