Austrália
Dendi Güiquipeya
 |
|
|
|||
 |
|||
| Lengua oficial | inglés | ||
| Capital | Camberra | ||
| Reina | Isabel II | ||
| Primel Menistru | Kevin Rudd | ||
| Cumprimentu - Total - % augua |
Posición 6ª 7.686.850 km² 1% |
||
| Puebración - Total (2007) - Densidá |
Puestu 52º 20 835.000 2,5 ab/km² |
||
| PIB - Total (2005) - PIB/capita |
Posición 15ª 754.816 millonis e US$ 36.553 US$ |
||
| Monea | Dólar Astralianu | ||
| Inu | Advance Australia Fair | ||
| Domeñu Internet | .au | ||
| Código telefónico | +61 | ||
| Miembru e: ONU, Commonwealth, OCDE, APEC, BERD, | |||
Austrália, oficialmenti Mancomuniá d'Austrália (en luenga ingresa: Commonwealth of Australia), es una nación assitiá nel emisferiu sul, qu'ocupa toa palti continental d'Oceanía, el continenti mas chicu 'el mundu, amás e várias ilas enus océanos Pacíficu, Índicu i Antárticu. Los paisis cercanus a Austrália son Indonésia, Timor Oriental i Papúa Nueva Guinea al nolti, las Ilas Salomón, Vanuatu i la dependencia francesa e Nueva Caledonia al nolesti, i Nueva Celanda al sulesti. Austrália es el sestu pais mas grandi 'el mundu i el mas grandi d'Oceanía.
La cidá capital es Camberra.
Continius |
[eital] Heugrafia
.jpg)
Los 7.686.850 km² de cumprimentu d'Astrália s'encuentran ena placa indoastraliana. Arodeá polos océanos Índicu, Glacial Antárticu i Pacíficu, está despartá d'Asia polos maris d'Arafura i Timor. Astrália tieni una línia costera e 25.760 km i reclama una amplia zona económica esclusiva e 8.148.250 km². Esta zona económica esclusiva non incluyi el Territóriu Antárticu Astralianu.
La Gran Barrera e Coral, el arrecifi e coral mas cumpriu 'el mundu, s'encuentra a una corta distancia dela costa noresti i s'estiendi por mas e 2.000 kilómetrus. El monolitu más grandi 'el mundu, Mount Augustus, está asitiau n'Astrália Occidental. Con 2.228 m d'altitú, el monti Kosciuszko ena Sierra Divisória es la montaña mas alta d'Astrália continental; nostanti, el Mawson Peak nel remotu territóriu astraliano delas Ilas Heard i McDonald es entávia mas tarangallu con 2.745 metrus.
[eital] Clima
Una enormi palti 'el país es desértica o semiárida. Astrália pasa por sel el contineneti abitau más secu i chanu de tol planeta, i es el que menus suelus fértilis tieni. Namás nel suresti i suroesti desisti un clima atemperau.
Pa la parte norti 'el país, conun clima tropical, tieni una vehetación que consisti prencipalmenti en selvas lluviosas, bosquis, praeras, manglaris inque tamien dangunus desiertus.
El clima astralianu está mu influenciau polos sistemas e baha presión tropicalis estacionalis que producin abondu ciclonis ena rehión setentrional, i también polas corrientis marinas, incluyendu el cenómenu oceánicu-atmosféricu d'el Ñeñu, que se correlaciona con sequias periódicas.
[eital] Emugrafia
Astrália es un pais d'inigrantis. El 23,1% de la su puebración está hormá por foritus. La mayol parti dela puebración es venidera d'inmigrantis inglesis i irlandesis que se muarun al pais enus sigrus XIX i XX.
El crecimientu vehetativu e la puebración es mu bahu, el númeru e nacencias ca vezi es menol, de mo qu'el gobiernu haci lo que puedi por atrael inmigrantis. Emportantis grupus etnicus minoritárius incluyin chinus, vietnamitas, italianus, gregus i alemanis. La `puebración aborihin es de namás que 366.436 personas, siendu entoncis menus 'el 1% dela puebración astraliana.
La puebración nacional ogañoti (añu2007) es d'alreor e 20,6 millonis d'abitantis, i está concentrá principalmenti enas grandis cidadis costeras e Sídney, Melbourne, Brisbane, Perth i Adelaida.
[eital] Luengas
La su luenga oficial es el ingrés, qu'es la luenga matelna el 95% ela puebración. Tamién se palran, comu luenga menol, luengas aborihinis, comu la Luenga murrinhpatha.
[eital] Estória
El continenti astralianu a estau abitau duranti mas e 42.000 añus polos aborihinis astralianus. Endispués delas caicuandu visitas e pescaoris 'el norti i d'esploraoris i comercientis uropeus que emprencipiarun nel sigru XVII, la mitá oriental e lo que ogañu es Astrália fue reclamá porel Reinu Uñiu en 1770, i en 1788 s'estableciño una colonia penal en Nueva Galis 'el Sul. Por mol 'el crecimientu dela puebración i l'esplotación e nuevas áreas, otras cincu colonias e la Corona fuerun esitosamenti esbelecias duranti el sigru XIX.
El 1 e Heneru e 1901, las seis colónias se federarun hormandu la Mancomunidá d'Astrália. Dendi la su federación, Astrália a manteniu un sistema políticu democráticu liberal i a contiuau siendu una monarquia ena Mancomunidá e Nacionis.
[eital] Economia
Astrália ptieni una próspera economia mista occidental, conuna renta per cápita un poquinu superiol a la 'el Réinu Uñiu, Alemaña i Fráncia, en términus e igualdá e pudel adquisitivu. La nación s'encuentra en tercel lugal nel Índici e Desarrollu Umanu llevau a cabu en 2005 polas Nacionis Uñias, siendu adelantá sólu por Noruega i Islándia. Enus añus recientis, l'economia astraliana a resistiu el bahón económicu mundial, lo cual se hazi visibili nel crecimientu dela su economia doméstica i ena mantención los negocius i el consumismu.
En Wikimedia Commons ai conteniu multimeya a tentu Austrália.
| Paisis d'Oceania |
|
|---|---|
| Austrália • Nueva Celanda • Samoa • Tonga • Fiyi • Quiribati • Islas Cook • Tuvalú • Niue • Nauru • Palau
Possesionis: Nueva Caledónia • Polinésia Francesa • Wallis i Futuna • Guam • Islas Pitcairn • Toquelau |
|
