Alcaçaba de Baajós

Dendi Güiquipeya
(Rederihiu dendi Alcaçaba e Badahó)
Sartal a: Güiquipeandu, landeal
El núcleu hundacional de Baajós, presidiu pola Alcaçaba, assitiá a orillas de Guadiana sobri el lombu la Muela.

La Alcaçaba de Baajós es un recintu amurallau assitiau nel lombu la Muela, arrodeandu l'antigua Baajós de la epoca musulmana. Tal i cumu se conserva ogañu, hue costruia polos almohadis nel sigru XII, inque tiini el su orihin ena celca que ya nel sigru IX se costruyó al hundal la ciá. Es la mayol alcaçaba d'Uropa.

Estória[eital | eital coigu]

Adarvi l'Alcaçaba de Baajós

El orihin de l'Alcaçaba s'alcuentra ena hortificación que crió Ibn Marwan nel lombu la Muela al asentalsi en Baajós, nel sigru IX. Se trataba d'una cerca d'argamasa e barru i ladrillu.

Esta obra hue consoliá en 1030 pol Abdallah Ibn el-Aftas (Almanzor I de Badahó) que la convirtió nuna muralla e piera i cal.

Posteriolmenti, alreol el 1170, hue definitivamenti arrepará, hortalecia i ampriá pol ordin del califa almohadi Abu Yaqub Yusuf. Nesta obra l'Alcaçaba adataria práticamenti el aspetu que presenta uguañoti.

Torris[eital | eital coigu]

  • Torri d'Espantaperrus
  • Torri la Horca.
Parti posteriol la Puerta el Capitel
  • Torri las Sieti Ventanas.
  • Torri las Doncellas.

Endrentu la hortificación desistin algotras torris:

  • Torri e Santa Maria, ondi s'assitió la Catedral de Badahó al atrás la conquista cristiana.
  • Torri el Paláciu Episcopal.

Puertas[eital | eital coigu]

  • Puerta el Capitel: puerta en recou abierta nel francu ociental de l'alcaçaba, prósima al Arcu el Pesu, entri la Praça Arta i la Praça e San Hosi. Recibi el su nombri dun capitel assitiau sobri el arcu la puerta esteriol.
  • Puerta la Coraça u e la Traición: está assitiá nel setol noroesti l'alcaçaba, prósima a riu Guadiana. Traicionalmenti se la conoci pol sel la puerta ondi el rei purtugués Alfonso Enríquez ententó ahuyil del rei Fernando II de Lión en 1169, aluspués d'entental tomal la ciá, qu'estaba en manus de rehentis musulmanis, feudatárius del rei lionés.
  • Puerta e Yelvis u e Carrus: frenti al conventu las Adoratricis, ena parti ociental l'alcaçaba.
  • Puerta el Alpendis.
  • Puerta e Méria.
Paláciu los Duquis de Féria

Palácius[eital | eital coigu]

  • Paláciu los Duquis de Féria, ondi s'assitia uguañoti el Museu Arqueolóhicu Provincial.

Tamién guipal[eital | eital coigu]

Atihus[eital | eital coigu]