Estoria d'Estremaúra

Dendi Güiquipeya
Ir a la navegación Ir a la búsqueda
Nuvola apps kcmsystem.png Agora ain pessonas trabajandu en esti endilgui
Por causa d'estu, puein faltal conteníus o avel marrus en el hormatu. Has el favol, enantis de hazel qualquiera muación, vai-ti ala carava a tentu d'esti endilgui pa poel cordinal la su redación.
Assitiamientu d'Estremaúra endretu el Estau español.

Estremaúra es una comunidá autónoma d'España. D'este mó, la su estória tien albondas semejanças conas de los otrus territorius peninsularis.

Preestória[eital | eital coigu]

Paleolíticu inferiol[eital | eital coigu]

Las prebas de presséncia umana mas antíguas del que ogañu es el territoriu d'Estremaura datan del periou Paleolíticu Inferiol. Enos yacimientus —ena su huerça superficialis— s'án alcontrau herramientas toscas de cuarcita i, en menol media, de granitu, pero no s'án alcontrau restus de cadáveris umanus.

La ténica gastá pa construil las herramientas consistía en golpeal la piera con un percutol de piera o cuerna ata consiguil filus, puntas, muescas, hachas, picus...

Los restus mas antíguus se correspondin cona fasi meya del periou Achelensi (hazi unus 700 000 añus).

Los yacimientus mas antíguus están cerca d'ondi ain pieras adecuás pa tallal i construil las herramientas i útilis. Amás s'alcuentran assitiás cerca de los rius i de los grandis afluentis. Las áreas de mas concentracion de yacimientus del periou Achelense sonin: alreoris de Méria (riu Guadiana), riu Çújar, pantanu de Valdecañas, riu Alagón, Jerti i El Sartalejuo.

Los enstrumentus mas destacaus d'esta época son el bifas, el endedol i el picu triédricu.

Paleolíticu meiu[eital | eital coigu]

S'án recogiu mu pocus restus en esta region. Tós ellus son del periou Musteriensi. Se construyerun cona ténica meyanti la cual calculavan el tamañu del enstrumentu antis de estrael de la piera matris un fragmentu adecuau al enstrumentu que pretendian frabical.

Los útilis mas característicus eran las raederas, denticulaus i puntas. Tós ellus son menus pesaus, menus toscus, construius con una tenologia mas avanzáa que los del Paleolíticu Inferiol.

Los lugaris ondi s'alcuentran yacimientus del periou Musteriensi se correspondin conos del periou Achelensi, es dizil, cerca de los rius. Sin embargu, tamién s'án hallau restus en zonas bajas i medias de sierras en Baajós, lo qu'evidencia un mayol control territorial, una mayol capaciá de abital ciertus lugaris i consiguil caça, alimentu i trebaju en ellos.

Paleolíticu superiol[eital | eital coigu]

Duranti esta era apaeci el Homo sapiens sapiens (el ombri de ogañu). En esta época fuerun hechus los grabaus i pinturas dela Cueva de Maltraviesu, del arti cuaternariu, i delas Minas de Castañar de Ibor.

Ena cueva de Maltraviesu, s'encuentran grabaus dela silueta duna cierva, varius triángulus i otras figuras geométricas. Sobri tou s'an encontrau mas de 30 manus pintás en negativu i sin deu meñiqui la huerça d'ellas. No s'an encontrau restus que sugieran que fuera puebrá duranti esta época, enque sí d'épocas posterioris.

Neolíticu[eital | eital coigu]

Enque son mu pocus los datus que se conocin a tentu del Epipaleolíticu eno que ogañu es Estremaúra, el Neolíticu traxu algunas muacionis ena subsistencia delas comunidais umanas que abitan la región. Las más emportantis son la introdución dela ganadería i la agricoltura, que se incorporan alas actividais de caça i recoleción ya essistentis. En cuantu ala tenología se refieri, la encorporación más emportanti es la dela cerámica que premitirá el almacenamientu delos escedentis agrícolas.