El Alcheí
![]() |
El Alcheí | ||
---|---|---|
Entidad subnacional | ||
![]() | ||
Coordenadas | 38°57′12″N 6°44′27″O / 38.953333333333, -6.7408333333333 | |
Entidad | Assentaeru umanu | |
• País |
![]() | |
Altol | ||
• Media | 185 m s. n. m. | |
Código postal | 06182[1] | |
El Alcheí[2] (en castellanu i oficialmenti Alcazaba) es un puebru colonización pedania de Badajós. S’assitia entre las localidais de Pueblu-Nuevu de Guadiana i Guadiana, junta la rivera omónima de L'Alcaçaba. Es un puebru eminentimenti agrícola. Tien 259 abitantis (2009). Es el términu más largu de Badajós, cayendu a 26 km dela capital pacensi.

Nombri populal
[Edital | Editá'l códigu]La huerça las puebracionis cercanas mientan a la zona i al mesmu puebru "El Acheí" o "El Alcheí". El misteriu está en que por metá el términu la pedanía passa la cequia H-I que sal dela Canal de Montiju.
Estoria
[Edital | Editá'l códigu]La localidá tuvu nacencia con el Pran Badajós. S’aprepararun los terrenus cercanus al Canal Montiju, entre la rivera de L'Alcaçaba i los regachus de L'Alcaçabilla i La Mina, en el añu 1957. Se costruyerun la igresia, las escuelas i el ayuntamientu, más las viviendas que s’arrepartierun del siguienti mou sigún la tipología i el destinatariu:
- 46 casas aislás.
- 25 colonus.
- 25 obrerus.
- 4 maestrus.
- 3 endustrialis.
S’estalarun alo primeru 71 familias colonas i 25 obrerus procedentis dela provincia pacensi i d'algotrus lugaris d'España.
Menumentus
[Edital | Editá'l códigu]Al sel puebru de rezienti hechura, cuenta con costrucionis d’estilu moernu, comu la igresia o el ayuntamientu.
Lo mesmu que otrus puebrus colonización cuenta con abrevaerus i huentis.
Ala contra delo que aconteció en puebrus que crecierun muchu estus añus atrás, L’Alcaçaba conserva entavía parti dela alamea que la cinga.
Fiestas
[Edital | Editá'l códigu]- San Isidro Labrador (15 mayu).
- Nuestra Señora de la Merced (24 setiembri).
Amás se celebra ena agostá la semana coltural con destintas actividais promovías pola Asociación de Vecinos.
Atijus p'ahuera
[Edital | Editá'l códigu]
Comarca Tierra de Badajós | |
---|---|
Monicipius: Abuquerqui · L'Albuera · Badajós · Guadiana · La Coosera · Pueblu-Nuevu de Guadiana · San Vicenti d'Alcántara · Talavera la Real · Val-de-La-Calçá · Villal el Rei Pedanías: L'Alcaçaba · Alvarau · Balboa · Xévora · Novelda de Guadiana · Sagrajas · Val-de-Botua · Villa-Francu de Guadiana. |
- ↑ Worldpostalcodes.org, código postal n.º 06182.
- ↑ Carmona García, Ismael (2017). «Ortografía del extremeño.». OSCEC. p. 107.