Política d'Estremaúra

La norma estitucional que estableci l'organiçación política d'Estremaúra es Estatutu d'autonomía de 1983. Sigún esti Estatutu, l'utogoviernu d'Estremaúra s'organiça políticamenti ena Junta d'Estremaúra, conformá pola Assambrea, la Presidencia i otras estitucionis.

Estoria

Fuerus vigentis propius d'Estremaúra son el Fueru de Baylíu (siegru XIII), reconocíus nel su estatutu d'autonomía (el restu, comu'l de Badajós, no están vigentis).

Las primeras estitucionis de las que hai costancia son la Capitanía General y el Real Ejército de Extremadura (prencipius del siegru XVII), conformás endrentu l'antigua provincia d'Estremaúra (con endependencia jurídica en 1653, anque ya essitía antis una conceción geográfica i cultural de la mesma), conformándo-si formalmenti en 1785, cona su reconocencia cona creación de la Real Audiencia de Extremadura (1790); cúya essitencia real i unitaria proyeta una estoria i coltura particulal compartías, cúyus orígenis están nel siegru XIII ena Estremaúra lionesa comu entidá territorial drentu dela Corona castellanu-liones i más tardi integrá ena Monarquía Hispánica. Las Estremaúras alcançarían la su endependencia almenistrativa enas Cortis de Segovia de 1390.

Estatutu d'autonomía

Endilgui prencipal: Estatutu d'autonomía d'Estremaúra.

L'Estatutu d'autonomía d'Estremaúra es la norma estitucional básica d'Estremaúra. Hue aprevau el 25 de hebreru de 1983.

Organiçación política: la Junta

Poel legislativu

Endilgui prencipal: Assambrea d'Estremaúra.

El palramentu utonómico estremeñu es l'Assambrea d'Estremaúra, hormá pol 65 diputaus: 36 elegíus pola provincia de Badajós i 29 pola provincia de Caçris.

Tras las elecionis ala Assambrea d'Estremaúra de 2023, está quedó con:

28 deputaus del Partido Socialista Obrero Español,
28 del Partido Popular,
5 de VOX i
4 d'Unidas por Extremadura.^[1]

Poel ejecutivu

Endilgui prencipal: Junta d'Estremaúra.

Juan Carlos Rodríguez Ibarra hue presidenti dela Junta d'Estremaúra dendi 1983 hata 2007, antis, el 20 diziembri 1982, havía síu elegíu presidenti dela Junta Regional d'Estremaúra, aprebándo-si bahu'l su mandatu el 25 hebreru 1983 l'Estatutu d'autonomía pa Estremaúra. Los sus sucesoris huerun el tamién socialista Guillermo Fernández Vara (2007-2011) i el populal José Antonio Monago (2011-2015). Dispués delas elecionis utonómicas de 2015, Fernández Vara golvió a presidil l'ejecutivu estremeñu, en una coalición hormá pol PSOE i Socialistas Independientes de Extremadura, gracias al apoyu Podemos.^[2] Dispués de havel patau l'apoyu Podemos, i cona astención del PP i Ciudadanos, el candidatu socialista Guillermo Fernández Vara agenció l'investitura comu presidenti la Junta. Tras las elecionis utonómicas de 2019, l'Assambrea d'Estremaúra nombró presidenti de nuevu a Guillermo Fernández Vara, col votu a favol delos deputaus del su partíu, con mayoría asoluta.^[3] Ogañu, dispués las elecionis del 28 mayu 2023, la Junta golvió a manus del Partido Popular gracias a un acuerdu de coalición con VOX, convirtiendu a María Guardiola ena primel muhel presidenti d'Estremaúra.

La Delegación Goviernu d'España n'Estremaúra s'encuentra ena ciá de Badajós.

Presidentis la Junta d'Estremaúra

Poel juicial

Endilgui prencipal: Tribunal Superiol de Justicia d'Estremaúra.

La mássima utoriá hurídica dela comuniá utónoma d'Estremaúra es el Tribunal Superiol de Justicia d'Estremaúra. Tieni la su sedi en Caçris i hue creau nel 1989.

Partíus políticus

Los prencipalis partíus políticus d'Estremaúra, con ripresentación ena Assambrea son:

Goviernu (33) PP-E Vox

Oposición (32) PSOE-E Podemos-IU-Equo

Rehionalismu i nacionalismu n'Estremaúra

Endilgui prencipal: Nacionalismu estremeñu.

El rehionalismu estremeñu es una corrienti política estremeña que defiendi l'identidá propria d'Estremaúra i de los estremeñus. Adenuncia con frequencia l'olvíu i abandonu al que está sometía la región pol podel central español.

Los partíus regionalistas estremeñus son Coalición Extremeña (PREx-CREx), Extremadura Unida, Socialistas Independientes de Extremadura (SIEx), y anteriolmenti, Unión del Pueblo Extremeño (UPEx), agora integrau en Ciudadanos (Cs). La mayoría se prisentan alas elecionis en coalición con otrus partíus (SIEx col PSOE enas elecionis utonómicas i municipalis de 2015).

L'únicu grupu presenti ena Assambrea d'Estremaúra ena IX legislatura hue Socialistas Independientes de Extremadura (SIEx) en coalición, ondi tinía 3 diputaus. Coalición Extremeña (PREx-CREx) i Extremadura Unida (EU) se prisentarun en grupus separaus, peru nun tuvierun los votus necessarius pa podel acedel a un escañu.

El nacionalismu es una corrienti múu minoritaria n'Estremaúra. Ogañu no dessistin movimientus del tó nacionalistas olganizás ni partius nacionalistas rustrius (tuviendu en cuenta aquellus que recraman ativamenti el reconocimientu comu nación d'Estremaura u enclusu, en algún casu, el derechu d'autodeterminación), enque á essestiu ententus pa crial movimientu, mas allá del regionalismu, que no án ahilau).

Según las encuestas, los estremeñus están entri los que más identificaus izin sentilsi con España u enclusu a la cabeça en esti espetu. Pero, sin embargu, enas encuestas del CIS, a la pregunta de cómu d'ergullosus se sientin de pretenecel a Estremaúra, los resultaus están entri los más altus.

En 1999 de horma anegótica s'iscrivió en el rustriju partius políticus el "Bloque Nacionalista Extremeño".^[4]. Ciertas movicionis d'estrema-esquierda de andal estremeñu comu el BPEX enos añus 80 tuvun relacionis con otrus movimientus soberanistas u independentistas d'esquierda d'otras zonas.^[5]

Referencias

↑ «Vara gana en Extremadura con mayoría absoluta». hoy.es. 26 de mayo de 2019. Consultado el 21 de noviembre de 2020.
↑ expansion.com (1 de julio de 2015). «Vara ya es nuevo presidente de Extremadura con los votos a favor de Podemos». Consultado el 5 de julio de 2015.
↑ «Fernández Vara, reelegido presidente de la Junta de Extremadura». RTVE.es. 25 de junio de 2019. Consultado el 21 de noviembre de 2020.
↑ «Registro de partidos políticos del Ministerio del Interior por orden alfabético». Archivado desde el original el 13 de febrero de 2008. Consultado el 24 de septiembre de 2009.
↑ El Bloque Popular Extremeño asistió junto al PSAN, Herri Batasuna y BNG al mitin de UPC (Unidad Popular Castellana) en Villalar.

Bibliografia

López Rodríguez, Pedro Manuel (2017) Regionalismo extremeño y su influencia en los autores extremeños en la literatura de principios del siglo XX. Una puesta en común, en Tres centenarios: teatro Carolina Coronado, Cervantes y Rubén Darío, VIII Jornadas de Historia de Almendralejo y Tierra de Barros, Almendralejo: Asociación Histórica de Almendralejo, pp. 243-254. ISBN: 978-84- 697-7146-4
Rina Simón, C. (2021) Historiografía sobre el republicanismo en Extremadura: Ausencias, presencias y caminos transitables, en Berjoan, N., Higueras Castañeda, E., & Sánchez Collantes, S. (Eds.), El republicanismo en el espacio ibérico contemporáneo: Recorridos y perspectivas, Madrid: Casa de Velázquez.
Sánchez Marroyo, Fernando (1983) Notas sobre el regionalismo extremeño durante la II República en Norba: Revista de arte, geografía e historia, ISSN 0211-0636, Nº 4, págs. 447-458
Sánchez Marroyo, Fernando (1998) Política y sociedad en la Extremadura de fin de siglo, en Revista de estudios extremeños, ISSN 0210-2854, Vol. 54, Nº 1, (Ejemplar dedicado a: El tránsito del siglo XIX al XX en Extremadura), págs. 341-400
Sánchez Marroyo, Fernando (2013) Estructura político-institucional de Extremadura (1808-1874), en Revista de estudios extremeños, ISSN 0210-2854, Vol. 69, Nº 1, págs. 207-248
Sánchez Marroyo, Fernando (2017) Cambios y permanencias de una sociedad en constante evolución. Sociedad y política en Extremadura en el siglo XX, en Revista de estudios extremeños, ISSN 0210-2854, Vol. 73, Nº 2 (Ejemplar dedicado a: Número Homenaje a los Noventa años de la Revista de Estudios Extremeños), págs. 821-860

Atijus p'ahuera

Partíus políticos

Estoria

Estremaúra
Coltura (Arquitetura) · Estoria (Cronología) · Demografía · Deporti · Economía · Gastronomía · Geografía · Política · Símbolus (Bandera · Escúu · Inu) · Bibliografia
Vel más artícalus al tentu de...

Junta d'Estremaúra
Istitucionis:	Assambrea d'Estremaúra \| Presienti la Junta d'Estremaúra
Consejerías:	Presidencia, Interiol i Diálogu Social \| Hazienda i Almenistración Púbrica \| Agricoltura, Ganaeria i Desenroamientu Sostenibli \| Economia, Empreu i Trasformación Degital \| Salú i Servicius Socialis \| Coltura, Turismu, Jóvenes i Deportis \| Educación, Cencia i Maestrança Profissional \| Infrastruturas, Trasporti i Vivienda \| Gestión Forestal i Mundu Rural
Organismus:	ASPEX \| AEXCID \| AEEE \| Biblioteca de Extremadura \| 112 Extremadura \| CICYTEX \| CEMART \| CENSYRA \| CJEx \| CES \| Consejo Escolar de Extremadura \| Agenex \| FEVAL \| CEXMA \| Extremadura Avante \| GISVESA \| URVIPEXSA \| GPEX \| EPESEC \| ESAD de Extremadura \| Estación Enológica de Almendralejo \| FRLEX \| FUNDESALUD \| INCOEX \| IEEX \| IJEX \| IMEX \| Jurado Autonómico de Valoraciones \| Jurado de Defensa de la Competencia \| Laboratorio Agroalimentario de Extremadura (Cáceres) \| Red de Museos de Extremadura \| SEPAD \| SES \| SEXPE \| URVIPEXSA
Política d'Estremaúra · Presidentis la Junta d'Estremaúra

[1] «Vara gana en Extremadura con mayoría absoluta». hoy.es. 26 de mayo de 2019. Consultado el 21 de noviembre de 2020.

[2] xpansion.com (1 de julio de 2015). «Vara ya es nuevo presidente de Extremadura con los votos a favor de Podemos». Consultado el 5 de julio de 2015.

[3] «Fernández Vara, reelegido presidente de la Junta de Extremadura». RTVE.es. 25 de junio de 2019. Consultado el 21 de noviembre de 2020.

[4] «Registro de partidos políticos del Ministerio del Interior por orden alfabético». Archivado desde el original el 13 de febrero de 2008. Consultado el 24 de septiembre de 2009.

[5] El Bloque Popular Extremeño asistió junto al PSAN, Herri Batasuna y BNG al mitin de UPC (Unidad Popular Castellana) en Villalar.

[1]

[2]

[3]

[4]

[5]