Península Ibérica

Dendi Güiquipeya
Sartal a: Güiquipeandu, Landeal
Gxermo2.svg Esti endilgui es un encetu
Si te apeta, pueis enlial-ti a trebajal en él, landeandu más información i amejorandu lo escritu.
Afotu la Península Ibérica enda satélite

La Península Ibérica está sitiá nel suloesti Uropa, arroeá pol Mari Mediterráneu, el oceanu Alánticu i polos Pirineus, que la deseparan del restu del continenti uropeu. Pol sul, la Península está desepará d'África (Marruecus) por el Estrechu Gibraltal, qu'es la lindi entri el mari Mediterráneu i el oceanu Alánticu.

La Península cuenta con 582.925 km2 i drentu los sus arrayus geográficus s'atopan España, Portugal, Andorra i Gibraltal. El su centru geográficu está nel Cerro de los Ángeles, en Getafe. El puntu mas cimeru es el Mulhacén, en Graná, con 3.478 m de zimbra. El riu con mas longol es Taju, con una largura de 1.007 km (731 km en España i 275 km en Portugal).

El su nombri provién del riu Iber, quiziás el atual Ebru, anque tamién puyera sel el Guadalquivil u algotru riu la región Güelva, andi testus mu antíguus citan un riu Iberus i un puebru al que llaman iberus. Dende tiempus remotus los griegus mentavan Iberia a la Península.

El geógrafu griegu Estrabón, palrandu de la Península Ibérica, la compara con un pelleju güe[1]:

Cquote1.png ἔοικε γὰρ βύρσῃ τεταμένη κατὰ μῆκος μέν ἀπὸ τῆς ἑσπέρας ἐπὶ τῆν ἕω τὰ πρόσθα ἔχουσῃ μέρη πρὸς τῇ ἕω κατὰ πλάτος δ' ἀπὸ τῶν ἄρκτων πρὸς νότον

Ibéria se paici a un cueru güe destendia a lo largu de Ponienti a Salienti, conos miembrus lanterus apuntandu a Salienti, i a lo anchu de Norti a Sul

Cquote2.png
Estrabón, Geografia.

Geologicamenti tien comu caraiterística especial que la huerça la su supifícii continental está confegurá comu una meseta, con una altura meya de 600 metrus pol cima el nivel el mari; el su litoral norti, noroesti oesti es rocosu i con acantilaus, huendu el litoral esti, sulesti i sul mas suavi. Dalcuerdu a la situación geográfica, la Península Ibérica tamién horma parti de Fráncia, ya qu'ésta s'entra házia el sul.

Devisión política la Península Ibérica[2]
País u dependéncia Puebración Longol (km²) Capital
Flag of Andorra.svg Andorra 71.800 467,76 Andorra la Vieja
Flag of Spain.svg España 44.000.000 aprox. 504.798 Mairil
Flag of Gibraltar.svg Gibraltal 27.714 6,50 Gibraltal
Flag of Portugal.svg Portugal 10.045.212 89.261,00 Lisboa
Flag of France.svg Fráncia Sul de Fráncia Sul de Fráncia París
Península Ibérica 51.426.301 581.908,26

Notas[eital | edit source]

  1. Strab., II 1 30, 5 27; III 1 3
  2. No se encluin Açoris, Madeira, Balearis, Canárias, Ceuta i Melilla pol no hormal parti de la Península Ibérica