Fósforu

Dendi Güiquipeya
Ir a la navegación Ir a la búsqueda
Gxermo2.svg Esti endilgui es un encetu
Si te apeta, pueis enlial-ti a trebajal en él, landeandu más información i amejorandu lo escritu.


Fósforu.

El fósforu es un elementu químicu de númiru atómicu 15 y símbolu P. Es un nu metal multivalenti pertenezienti al grupu del nitrógenu (Grupu 15 (VA): nitrogenoideus) que se alcuentra ena naturaleza combinadu en fosfatus inorgánicus i en organismus vivos peru nunca en estau fundamental. Es mu reativu i se ossia espontáneamenti en contatu con el ossígenu atmosféricu emitiendu luz.

El fósforu cumu molécula de Pi («fosfatu inorgánicu»), horma parti delas moléculas de ADN i ARN, las células lu gastan pa armacenal i transportal la energía meyianti el adenosín trifosfatu (ATP). Amás, la adición i eliminación de grupus fosfatu a las proteínas, fosforilación i desfosforilación, respetivamenti, es el mecanismu prencipal pa regulal la actividá de proteínas intracelularis i de esi modu el metabolismu delas células eucariotas talis cumu los espermatozoidis.

Nel su ciclu sedimentariu, el su reservoriu es la corteça terrestri. El elementu se armazena en rocas fosfatas i a meyia que estas son erosionas se van liberandu compuestus fosfataus hata el suelu i el áugua. Luegu son absorbius pol las prantas, a travis delas raízes, incorporándosi a los componentis vivus del sistema, a media que pasan pol los destintus nivelis tróficus. Una vez que los organismus (prantas o animalis) muerrin, se descomponin i se libera el fósforu conteniu ena materia orgánica.