Peralea dela Mata

Peralea dela Mata
Entidad subnacional
Bandera Escudo
Ubicación de Peralea dela Mata
Coordenadas	39°51′11″N 5°27′35″O
Capital	Peraleda de la Mata
Entidad	Monicipiu d'España
• País	España
Superficii
• Total	92 km²
Altol
• Media	341 m s. n. m.
Puebración (2024)
• Total	1431 hab.
• Densidá	15,55 hab/km²
Gentilíciu	peraleu, -a; parchorchu, -a, gavinu, -a
Huso horario	UTC+01:00 y UTC+02:00
Código postal	10335
Sitio web oficial

Peralea dela Mata (Peraleda de la Mata oficialmenti) es un monicipiu d'Estremaúra, assitiau al esti dela provincia de Caçris, ena comarca de Campu Arañuelu.

Geografía

El términu monicipal s'estiendi en un terrenu chanu, en plenu Campu Arañuelu, comarca ala que perteneci. Al sul del su territoriu, el embalsi de Valdecañas que recolli las aguas del ríu Taju, hazi de límiti cola comarca de Los Iboris. El monicipiu s'assitúa a 122 km dela capital cacereña i se alça a 341 m sobri el nivel del mari.

Se sitúa nel límiti dela provincia de Caçris cola provincia de Toleu, a unus 170 km de Madril i se acedi a ella dendi la autovía d'Estremaúra (A-5).

Estoria

Mu cercanu al términu monicipal á un yacimientu arqueológicu dela Edá de Bronci, el Dolmin de Guadalperal. Esti sufriu moificacionis en época preestórica i endispués fue espoliau pola civilización romana. Ogañu se topa baju las aguas d'un pantanu.

Inque ena çona se puein topal asentamientus dendi la Preestoria, el hechu de que toa la comarca natural del Campu Arañuelu, ala que perteneci Peraleda, fuesi çona de raya, lugal de disputas, saqueus i correrías de tol tipu d'elementus, impiiu l'asentamientu de puebracionis de horma permanenti. A ellu contribuyó tamién la insalubriá dela çona, cun una gran incidión del paludismu ata fechas relativamenti recientis.

Pol tol ellu, nu á indicius de que tantu Peraleda, comu otras localiais del estintu Conceju dela Campana dela Mata, tal i comu las conocemus fuesin creás abondu dantis delos sigrus sigru XIV o sigru XV, siguramenti al amparu dela trashumancia que dendi Ávila i Salamanca bajaba pola Cañá Real Leonesa. De hechu, son curiosas entavía oi las coincidencias de costumbris, apellíus i topónimus colos dela parti sul de Salamanca i Ávila.

Nostanti, —i a pesal de lo anteriol— pareci que á evidencias de qu'allá pol sigru XII ya dessistía algún tipu de puebramientu en lo que era el cruci de dos calçás romanas. Un hechu que, a pesal dela falta d'agua pol estal situá ena divisoria d'aguas entri el Taju i el Tiétal, confería al primitivu asentamientu peraleu una innegabli ventaja comu lugal estratégicu dondi el fluju de pressonas i mercancías era constanti.

Peraleda hormó parti del referíu Conceju dela Campana dela Mata juntu con otras localiais del entornu, comu Navalmoral dela Mata. Esti conceju se reunía ena cercana ilesia de Santa María, oi un despuebrau conocíu comu San Gregoriu. Nel sigru XVII consigui Peraleda el títulu de villa, juntu a otras localiais del conceju dela Mata, comu Millanis, Navalmoral, Torviscosu o Malhincá (Majincal).

A encetis del sigru XIX la Guerra dela Independencia contra los francesis frenó el desenvolvimiento de toa la çona, que recuperaríe mu lentamenti a lo largu desse sigru i del siguienti.

Especialmenti dolorosu fue el añu de 1855, nel que una epidemia de cólera diezmó la puebración del puebru, no solu pol gran númiru de fallecíus, sinu tamién pol hechu de que familias enteras huyerun anti el temol del contagiu.

Nel sigru XX, la Guerra Cevil, colos sus posterioris "añus del hambri", supusu otru paréntesi del que el puebru comencipió a recuperar-si enos añus posterioris. Nostanti, la construción i puesta en funcionamientu del embalsi de Valdecañas a enceti delos añus sessenta supusu la perdiúra delas mehoris tierras de cultivu del puebru, localizás enas vegas juntu al Taju (Vega d'Alarza), lo que se traduju ena diáspora de gran parti dela su puebración hazia los centrus industrialis del país, fundamentalmenti Madril i los sus alreolis. Dessa despuebración puein dal fe los census delos añus cinquenta en que la localiá contaba cun unus 3500 abitantis, frenti alos aprossimadamenti 1500 colos que cuenta ogañu.

La puesta en regadíu de tierras ena década delos setenta supusu un pequeñu frenu ena emigración, inque cargó alos regantis cun una ipoteca en horma d'amortización de costis delas obras qu'entavía a día d'oi colea.

Demografía

Peraleda dela Mata cuenta cun una puebración de Prantilla:Población-es wd.

Gráfica de evolución demográfica de Peraleda dela Mata entre 1842 y 2021

Puebración de derechu sigún los census de puebración del INE     Puebración de hechu sigún los census de puebración del INEEntri el censu de 1950 i l'anteriol, creci el términu del monicipal polque encorpora a Torviscosu.

Economía

La basi dela su economía es basicamenti agrícola i ganaera, con predomiñu dela cabaña ovina. Recientementi el puebru á impulsau la su moernización cola criación d'un gran polígonu industrial colindanti cola autovía A-5.

Transportis

Se ubica a unus 9 km al suresti de Navalmoral dela Mata juntu ala carretera EX-118, qu'uni Navalmoral con Guadalupi passandu pol l'oesti dela localiá de Peraleda. Esta carretera está polo general en güen estau i permiti un acessu rápiu ala Autovía del Suroesti, situá a 7 km de Peraleda justu dantis de chegal a Navalmoral. Amás dela EX-118 dessistin aquí dos caminus ruralis dela Diputación o carreteras secundarias: la CC-120, que sali al noresti de Peraleda comu ruta alternativa pa dil ala autovía; i la CC-54, que sali unus 4 km al sul del puebru hazia l'oesti pa dil a Valdehúncal.

Patrimoñu

Monumentus religiosus

Ilesia de Santiagu Apóstol. Sigru XVI.

Comu monumentus interesantis merecin destacar-si la ilesia parroquial católica baju l'advocación de Santiagu Apóstol, ena archidiócesi de Méria-Baajós, diócesi de Prasencia, arciprestalgu de Navalmoral dela Mata. Eficiu del sigru XVI (ena imagin), assin comu la ermita del Cristu dela Umildá, fechá aprossimadamenti nel sigru XVII o la ermita de San Vicenti, mu pequeña i de planta quadrá, situá en una plaçuela del barriu al que da nombri.

Ermita del Stmu. Cristu dela Umildá: Coqueta construción barroca, que data de finalis del sigru XVIII, i cuyu retablu central, de traça postchurrigueresca, á síu recientementi restaurau. Alberga al patrón del monicipal, el Santísimu Cristu dela Umildá, i está situá en un emblemáticu barriu del monicipal.

Ilesia parroquial de Santiagu Apóstol: Construía a meyaus del sigru XVI, esti eficiu de corti renacentista, constitui unu delos monumentus de mayol riqueza ornamental del Campu Arañuelu. La su fábrica es esencialmenti de mampostería con refuerçu de sillaris en esquinas, contrafuertis i vanus, i de ladrillu nel remati dela su torri campanariu. Presenta una impresionanti bóveda gótica i un preciosu i minuciosu retablu central, a basi de racimus, guirnaldas, pañus i volutas, que algunus atribúin ala escuela de Churriguera.

Praça d'España

Semiporticá con balcón protegíus con barandillas de maera, destaca pola su güena factura i conservación l'eficiu del Ayuntamientu. Alberga una huenti especialmenti senificativa palos peraleus, La Pilata, construía enos añus 20 del sigru passau i remoelá enos añus 1970, revestía de cerámica, i los sus entrelaçaus dibujan la figura del patrón del monicipal, el Cristu dela Umildá.

Arqueología

Dolmin de Guadalperal.

A unus 5 km en direción hazia Guadalupi se topa el embalsi de Valdecañas, nel ríu Taju i juntu a él, nel términu monicipal de Bohonal d'Ibor, se topan las ruinas d'un importanti monumentu romanu conocíu comu Los Mármolis. Estas ruinas procein del desaparecíu puebru de Talavera la Vieja (Talaverilla) anegá polas aguas del embalsi en 1963.

Puenti romana: Levantau prodigiosamenti sobri el arroyu de Valparaísu, á un únicu arcu de meyu puntu i dibuja l'antigua calçá romana qu'unía Augusta Emerita con Toletum.

Dolmin de Guadalperal: Situau a 5 km de Peraleda, baju las aguas del embalsi de Valdecañas, es un monumentu megalíticu preestóricu que data delos milenius iii i ii a. C., ogañu sepultau baju el embalsi de Valdecañas.

Deportis

Grupu de Montaña El Garigolu

Atijus esternus

• En Commons ai conteníu multimedia sobre Peralea dela Mata.

Información del monicipal nel Portal dela Mancomuniá Campu Arañuelu Prantilla:Wayback