Rugby
El Rugby es un juegu d'origin ingrés, juegau pol dos equipus holmaus por 15 juegaoris ca unu. Consisti en trasladal un balón de holma ovalá conas manus mas allá duna meta llamá linia d'ensayu o entroduciéndolo con el pie por encima del travesañu orizontal duna porteria. Esti deporti está regulau pola IRB (International Rugby Board)
[eital] Estensión
Es mu populal enas islas británicas (Réinu Uniu e Irlanda) i enas antiguas colónias comu Sudáfrica, Nueva Zelanda i Austrália assina comu en Fráncia e Itália. En Uropa se juga en menol meyia nel sul (Portugal, España) i esti (Rumania, Geólgia, Rússia). En América el país ondi mas se juga es Argentina, i tamien en Estaus Unius, Canadá, Uruguai, Chili, Brasil...En África se pratica pola enfluéncia sudafricana en angunus paisis comu Namibia, i en algotrus pol enfluéncia francesa (Marruecus, Túnis...). En Oceania es populal en islas comu Fiyi o Samoa, mentris que en Ásia no es mu praticau, nesti continenti destaca Japón.
Los campeonatus mas emportantis sonin, en Uropa, la Copa Las Seis Nacionis, jugá entri Ingalaterra, Escócia, Galis, Irlanda (con combinau de juegaoris la Repúbrica de Irlanda i d'Irlanda del Norti), Fráncia e Itália. Tamien dessisti la Copa Mundial de Rugby, cuya primera edicion se celebró en 1987.
[eital] Atijus
En Wikimedia Commons ai conteniu multimeya a tentu Rugby.
