María dela O Lejárraga García (San Millán dela Cogolla, La Rioja, 28 de deziembri del 1874 – Güenus Airis, 28 de juñu del 1974) hue una escreviora i femenista española. Tamién hue conocía comu María Martínez Sierra, nombri qu'adotó delos apellíus del su ombri i col que escrevió una grandi parti dela su obra, peru amás muchu delos sus escritus huerun enfirmaus comu María Lejárraga. Tamién hue Deputá al Congressu pol PSOE pola cercuscrición de Graná nel 1933.
La su nacencia hue en San Millán dela Cogolla en La Rioja, nuna familia arropá. Alos quatru añinus se muó cona su familia a Carabanchel Baxu, ala calli dela Sombra, pos el su pairi, Leandro Lejárraga Estecha, nacíu en Tormantos, era operaol i exerció la melecina en Mairil. La su mairi, Natividad García Garay, tuvu la su nacencia en Mairil, i s'acupó pessonalmenti dela educación delos sus ijus, seguiendu los pogramas educativus francesis.[2]
Estuyó ena Associación pal Enseñaeru dela Mugel, aondi tuvu el primel contatu conas ideas pedagógicas dela Estitución Libri d'Enseñaeru. Acabijó los sus estuyus de Comerciu nel 1891, convirtiendu-si nuna professora d'ingrés pala Escuela d'Estitutrís i Comerciu. Los sus estuyus de magisteriu, los acabijó ena Escuela Normal de Mairil. Quandu era estuyanti, resultó al Congressu Pedagógicu Hispanu-Almericanu, aondi sostribó los postulaus educativus de Emilia Pardo Bazán.
Estremaúra: S'apreva ena Assambrea d'Estremaúra una moción pa declaral el estremeñu i el portugués rayanu Bien d'Interés Coltural. El proponimientu hue presentau por Unidas por Extremadura i contó con el votu a favol de PP i PSOE, con el votu contrariu de Vox.
El portugués oliventinu es un sudialeutu el portugués alentejanu palrau entovia enos monicípius d'Olivença i Táliga, frutu de bel hormau parti de Portugal duranti muchus sigrus.
Güiquipeya
