Porteçuelu

Porteçuelu
Porteçuelu
	Entidad subnacional
	;
	; Escudo;
	; Ubicación de Porteçuelu
Coordenadas	39°48′47″N 6°28′29″O / 39.8130778, -6.4748368
Entidad	Monicipiu d'España y Villa
• País	España
Superficii
• Total	126 km²
Altol
• Media	358 m s. n. m.
Puebración (2023)
• Total	216 hab.
• Densidá	1,71 hab/km²
Gentilíciu	porteçueleñu, -a
Huso horario	UTC+01:00
Código postal	10828
	Sitio web oficial
	[editar datos en Wikidata]

Porteçuelu es un lugal ena provincia de Caçris ena región d'Estremaúra, España.

Geografía física

Porteçuelu se halla assitiau ena halda norti dela Sierra del Arcu que horma parti del ponienti delos Montis Oretanus. El su términu es mu destensu (12.565 estarias) en tocanti al su númiru d'abitantis. Linda: pal Norti con el de Torrejoncillu ; pal Salienti con el d'El Cañaveral i El Pedrosu; pal Sul con el de Garrobillas, i pal Ponienti conos de Portagi i Aceuchi.^[2]

El terrenu es del pedioru cuaternariu i cámbricu i es pedragosu i montesinu. De clima templau, peru con más tiraeru pala calol; los vientus predominantis sonin los del norti i ponienti.^[2]

La riqueza prencipal del puebru es la su calapachá d'arvus, mayolmenti enzina i alcornoqui, i el su aprovechamientu ena hesa col ganau vacunu, ovinu, caprinu i porcinu, el sacaeru dela corcha i assín. Tamién la produción de güertas i olivaris.^[2]

Estoria

Provau está qu'el términu de Porteçuelu hue abitau dendi la epoca prestórica, pol hallaeru d'angún dolmin enas sus alreorás, la cueva del canchu dela Gulera, un caçaeru megalíticu ena Portilla dela Helechosa, i assín.^[2]

Cerca dela Villa están las Fraguas o Ferrerias. Se crei qu'en epoca d'ocupamientu romanu uvu l'assentaeru dun campamentu pal esplotiju del hierru, por avel raceau paí moneas romanas i çurpias de hierru, i tamién polos restus dun aguadutu dendi l'arroyu de Valdecocu ata'l lugal.^[2]

Nel cerru de La Macailla, cerquina del puebru d'ogañu, se hallarun conseñas de costrucionis antiguas d'epoca vesigoda. Se crei qu'era una puebración chiquina de pocus abitantis i emportancia denguna que acontinó de qu'aportarun los musulmanis. Por essu, velaí, se piensa qu'endispues dela costrución del castillu eno altu dela sierra huerun los abitantis de La Macailla los que tuvun dau naceru del puebru de Porteçuelu de que se muarun pallí.^[2]