Aniceto Garrido Retortillo
| Aniceto Garrido Retortillo | ||
|---|---|---|
| Información pressonal | ||
| Nacencia | 1910 | |
| Nacionalidá | Española | |
| Información prehessional/profissional | ||
| Oficiu | Escrevienti | |
Aniceto Garrido Retortillo, (Montelmosu, 1910) hue un albarderu, melital i pueta montelmoseñu.
Biografía
[adital | adital cóigu]Aniceto tuvu la su nacéncia ena villa cacereña de Montelmosu nel 1910. El su pairi hue albarderu i se crió nel ambienti la profissión. Assistió pol primel ves ala escuela de que tuvu sieti añus hata los trezi. De zagalón s’ensiñó l'ofíciu paternu quitándu-si dela escuela, enque anduvu diendu alas crassis noturnas hata los deziochu añus.[1]
Quandu tinía edá pa cumpril el servíciu melital no púu, pos tinía un defeutu ena pierna derecha que lo embilmava. Ena Guerra cevil española s'alistó voluntáriu ena falangi, andi melitó pol ventidós mesis. El su labutu le mereció la mealla al méritu. Sigún se licenció, solicitó engressal pal Servíciu Guarderia Roal que s'avía criau en Montelmosu. Prontu se hizu xefi dela prantilla de cincu guardias, trebaju que desempeñó hata la su jubilación. N'essi tiempu s'aconyugó ala edá de cincuenta añus, tuviendu la abondanti pampirolá d’onzi ijus.[2]
Obra
[adital | adital cóigu]Aniceto compusu puemas lo mesmu en castillanu que n'estremeñu, enque la huerça la su produción se halla en castillanu, queandu l'estremeñu pa temas mas mundanus. Nu preteneci a denguna escuela, enque leyía escrevoris castillanus. Alo largu delos sus vessus se palra de cosas corrientis, refressionis, política i religión. Rebufa Estremaura en munchus delos puemas, hiziendu alas sus gentis palral cumu palran enos puemas Las lavanderas del charco i Tío Escequiel y tio Silvestre.[3]
Referencia
[adital | adital cóigu]- ↑ Administrador. «Bibiografía – Estremaúra XXI Siegrus de Puesía.». Consultado el 14 de mayu del 2026.
- ↑ «Los apellíus de Montelmosu i el su trasfondu estóricu i demográficu – CHDE Trujillu.». 01 d'otubri del 2006. Consultado el 14 de mayu del 2026.
- ↑ Trinidad, Manuel (lunis, 20 de hebreru del 2017). «Letratura estremeña - Escrevioris d'Estremaúra: Puesía estremeña de Montelmosu, por Aniceto Garrido Retortillo.». Literatura extremeña - Escritores de Extremadura. Consultado el 14 de mayu del 2026.
Biblografia
[adital | adital cóigu]- Garrido Retortillo, A., Poesía extremeña, 1988.
| Control de autoridades |
|
|---|
Datos: Q8199743