Juan García García

Dendi Güiquipeya
Ir a la navegación Ir a la búsqueda

Juan García García, conociu populalmenti comu el pueta-carteru, hue un escreviol del Ahigal.

Via[eital | eital coigu]

Juan García García tuvu nacencia ena villa cacereña del Ahigal el dia 8 Marçu el 1918. Era iju labraoris.

Escomencipió a dil a escuela a los quatru añus, recebiendu várius prémius a los 10 añus pola su aplicación.

A la eá de 17, aballó a Caçris, andi engressó ena Academia Guardiola en paragi de salil carteru. Allí anduvu dos añus a estuyal hata el estrumpiu la Guerra Cevil española. Hue altonci quandu tuvu que sirvil comu cabu.

Passó la via comu carteru i pueta, diendu numerosus recitalis. Amás colaboró ena presna regional.

Emfeneció el 12 Jeneru 1996, en San Rafael, Segóvia. Aguañu, el puebru el Ahigal tien una calli anombrá Juan García García.


Obras[eital | eital coigu]

Juan García escrevió en castellanu i en estremeñu várias obras. La su primel puesia fecha del 1936, entitulá De la Trinchera al Pilar. La su puesia tien un hondón moral, religiosu i costumbrista.

En 1949 espubrica Hogar cristiano extremeño. Quatru añus endespués saca la que quizá es la su obra mas soná Los beneficios del teléfono, una obra dramática en velsu andi s’afronta el pobrema la conceción rural de las nuevas tenologias. En 1956 escrevió Reflexiones y consejos, cuyas tres edicionis están agoteás.

La obra Un cristiano labrador y el Seminario Mayor hue representá en el Gran Teatro Caçris i tamién bichá en algotrus teatrus hue Boda típica extremeña, que sirvió de sostribu a la penicla La ruta de los borregos.

Otras obras suyas son Aquel que gasta a lo loco, camina hacia la miseria, La llamada de Cristo o Claveles de mi tierra (1977).

Las puesias ¡Hijos ingratos! i Envidia santa feguran ena Primera Antología de Poesía Extremeña.

Prémius[eital | eital coigu]

García García consiguió albondosus prémius i nombradia en Estremaura, reconociu pol ayuntamientus i entiais. Son asseñalaus veloquí estus:

  • Primel prémiu “Gabriel y Galán”; Segundu prémiu nel “Premio Hispanidad” de Guaalupi,
  • Mención enos “Juegos Florales de Cáceres”, 1974.
  • Segundu prémiu enos “Juegos Florales de Montánchez”, 1975.
  • Accesit en el “Premio Hispanidad”, 1976.
  • “Poeta de Honor de los enamorados de Extremadura”, 1989.

Bibliografia[eital | eital coigu]

  • Martínez Terrón, L., Primera antología de poesía extremeña, Cáceres, ed. Autor, 2005.

Atijus[eital | eital coigu]


Literatura en estremeñu

Autoris: José María Alcón OliveraJuan José CamisónIsmael Carmona GarcíaVicente CorralesCruz Díaz MarcosFrancisco Durán DomínguezJuan García GarcíaAniceto Garrido RetortilloJosé María Gabriel y GalánAntòniu Garríu CorreasPablo GonzálvezElisa Herrero UcedaMiguel Herrero UcedaEnrique Louzado MorianoLuis Martínez TerrónJosé Benito Mateos PascualAntonio Sánchez Gil

Obras: Al tentu la providénciaLa Cohtitución Ehpañola en EhtremeñuEl corral los mis agüelusEbanheliu sigún San HuanPrimera Gramática EhtremeñaPrimera Antología de Poesía ExtremeñaEl PrencipinuPan i vereaRequiloriosLos beneficios del teléfonoEl serano de las comadresLa nueva literatura en estremeñuLa nueva literatura en estremeñu 2Ceborrincho, relatos extremeñosMamaeña, relatos extremeños

Webs: BelsanaLa billota literáriaCúyu pan esgarras?EstremaWebGüiquipeyaLa gurullaOgañu

Guipal más endirguis al tentu...