Cruz Díaz Marcos
| Cruz Díaz Marcos | ||
|---|---|---|
 | ||
| Enhormación pressonal | ||
| Nacencia |
2 de diciembre de 1955 Casillas de Coria (España) | |
| Muerti |
18 de septiembre de 2023 (67 años) Badajoz (España) | |
| Nacionalidá | Española | |
| Enhormación profissional | ||
| Oficiu | Escrevienti y tocaol | |
Cruz Díaz Marcos (Casillas de Coria, 2 de deziembri del 1955-Badajós, 18 de setiembri del 2023) hue un cordionista, pueta i escreviol en castellanu i estremeñu.
Biografía
[Edital | Editá'l códigu]La su nacencia hue en Casillas de Coria el dos de deziembri del 1955 i la su vida estuvu conseñá pola criación literaria dun estilo hondamenti agarrau ena tierrina estremeña, con un gastu maestru del léssicu i las sus mentacionis ala naturaleza i ala coltura estremeña. El deziochu de setiembri del añu 2023, espenó ena ciá de Badajós, endispués de muchus añus bregandu cona su puesía, la su música i conos sus librus escrevíus tamién n'estremeñu.[1][2][3]
Correúra profissional
[Edital | Editá'l códigu]Las sus primeras puesías huerun pubricás en Seis y siete, qu'era un añidíu delos domingus del pedióricu Hoy i tamién calavoró con revistas literarias comu Clarín o la vasca Gemma de Aranguren. Participó amás en varius premius literarius, destacandu el premiu Ciá de Coria nel 1991 i 1992, el Premiu de Puesía Ruta dela Prata nel 1981 i el premiu de poesía de Calçaílla del 2002. Tamién calavoró nel desenrou de La nueva literatura en estremeñu II pubricá nel 2012.[4][5]
El 31 de mayu del 2014 participó nel encuentru i la corrobra d'escrevioris estremeñus veníus d'adentru i huera dela Estremaúra, en Ceclavín (Caçris).[6][7]
Era diretol de la revista coltural pescozana Aceña[8] i nel 2018 pubricó La Huélliga. Sentiris de la mi tierra, primel libru de puemas pubricau con arregru a las nuevas normas ortográficas de l'estremeñu.[9] El unu de juñu del 2024 se celebró en Casillas de Coria, el quartu celebramientu del Día delas Letras estremeñas, esta ves hechu nel su omenagi, pos l'escreviol estremeñu tuvu la su nacencia mesmamenti en Casillas de Coria i espenó nel 2023 alos sessenta i sieti añus, siendu un fiel defendeol dela luenga estremeña.[1][2][10]
Esti día hue apreparau pol Órganu de Siguimientu i Cordinación de l'Estremeñu i la su Coltura, mentau comu l'Oscec junta l'Ayuntamientu de Casillas de Coria i cona calavoración dela Deputación de Caçris. Assina, la jorná esmençó con un espigoriu i una vesita ala su tumba i endispués d'esti ventu, se proyetó unus decumentais, tamién se hecharun unas puesias polos zagalinus i zagalinas i amás uvu un discutimientu i concrussión, tou estu apopau cona música estremeña.[2][10]
Obras pubricás
[Edital | Editá'l códigu]- Los instantes vividos, puesía, editau por Circulo Rojo.
- Ruta de la Plata. Diez años de poesía en Extremadura, antología puética, editau por Rafael García-Plata Quirós.
- Cantando en tus estrellas, omenagi a Miguel Hernández, antología puética, editau por Editorial Lofornis.
- Promesas poéticas de hoy, antología puética, edicionis El Paisaje.
- La Huélliga. Sentiris dela mi tierra, editorial Circulo Rojo nel 2018.
- Sonetario. Retablo de sonetos, Beturia edicionis nel 2019.
Premius
[Edital | Editá'l códigu]- Ganaol dela quinta edición del premiu de puesía Ruta dela Prata.
- Ganaorl en dos vezis del premiu de puesía Ciá de Coria.
- Finalista nel concussu de relatu brevi San Juan 2002 de Coria en Caçris.
- Ganaol del Concussu de Puesía 2002 de Calçailla en Caçris.
- Ganaol del III Concussu de Puesía Ciá de Xerés, de Xerés delos Cavallerus en Badajós, ena variedá de Soneto Clásico.
- Ganaol del primel premiu nel XIX Concussu de Puesia Rafael Garcia Plata de Osma, qu'ajunta anualmentI'l Circulo Extremeño de Torrejón de Ardoz en Mairil, col poema ganaol Mairi Estremaúra.
Referencias
[Edital | Editá'l códigu]- ↑ 1,0 1,1 A., N. (20 de setiembri del 2023). «L'escreviol i poeta Cruz Díaz Marcos, vezinu de Coria, espena alos 67 añus». El Periódico Extremadura. Consultado el 20 de setiembri del 2023.
- ↑ 2,0 2,1 2,2 Redación (01 de juñu del 2024). «El poeta Cruz Díaz Marcos, omenagiau nel Día delas Letras Estremeñas». Canal Extremadura. Consultado el 21 de juñu del 2024.
- ↑ «LA HUÉLLIGA.- Sentiris dela mi tierra. - aneru del 2019». Consultado el 27 d'aneru del 2023.
- ↑ «Díaz Marcos, Crus». Página web de aeex. Consultado el 20 d'abostu del 2014.
- ↑ «Crus Díaz Marcos - Editorial Círculo Rojo». Consultado el 20 d'abostu del 2014.
- ↑ «Tardi d'escrevioris estremeñus». 31 de mayu del 2014. Archivado desde el original el 13 de marzo de 2016. Consultado el 20 d'abostu del 2014.
- ↑ «Encuentru d'escrevioris esta tardi». El Periódico Extremadura. 31 de mayu del 2014. Consultado el 20 d'abostu del 2014.
- ↑ «Aceña, la revista de Pescueza por Cruz Díaz». issuu.com (en inglés). 11 de Setiembri del 2014. Consultado el 20 de setiembri del 2014.
- ↑ BAÑOS, JESUS (03 d'abostu del 2014). «La habra estremeña debiera d'estal enas escuelas pola coltura i pol respetu». El Periódico Extremadura. Consultado el 20 d'abostu del 2014.
- ↑ 10,0 10,1 Bañón, Miriam (29 de mayu del 2024). «el IV Día delas Letras Estremeñas en Casillas de Coria». Hoy. Consultado el 21 de juñu del 2024.
Biblografía
[Edital | Editá'l códigu]- Crus Díaz Marcos esponi Los instantes vividos, en Prasencia. Plan V. Guía de ocio de Extremadura, novembri del 2016. Consultau el 19 de hebreru del 2017.
- Crus Díaz Marcos. Círculo rojo, Editorial. Consultau el 19 de hebreru del 2017.
- L'escrevienti casillanu, Crus Díaz Marcos, publrca'l su libru de poemas Los instantes vividos. Isabel Barrantes. De juñu de Arradiu interiol, el 8 de juñu del 2016 Consultau el 19 de hebreru del 2017.
- Crus Díaz Marcos esponi'l su primel libru de poemas, Los instantes vividos. Grada. Consultau el 19 de hebreru del 2017.
- El reútu dela literatura n'estremeñu. Unus poeminas de Crus Díaz Marcos. Julián Puerto Rodríguez Sierra de Gata digital. Del 16 de juñu del 2015. Consultau el 19 de hebreru del 2017.
Atijus p'ahuera
[Edital | Editá'l códigu]
En Commons ai conteníu multimedia sobre Cruz Díaz Marcos.- La despedía del emigranti Crus Diaz.
- Ena Casa Estremeña de Mairil
- La gaja del jurreu Crus Díaz.
- Villancicu El niñu Chiquinu Crus Díaz.
Datos: Q25689117