Antonio Sánchez Gil

Antonio Sánchez Gil (Orellana, marçu de 1944) es un poeta en estremeñu. Gran parti dela su poesía está esparramá pola redi, enque ogañu tien pensau de sacal un poemariu con varius temas.

Via

El Antonio nació en Orellana, de pairis labraoris. Era el únicu iju de labraol que tenía estudius en el puebru. Hizu Magisteriu por libri i estuvu a trabajal en escuelas roalis, empreau en Huenlabrá, Méria, Villa-Nueva dela Serena i Orellanita. En Orellanita se casó i crió familia, viviendu duranti 35 añus ata jubileal-si. Ogañu vivi enos Mairilis

Trabaju

Ena escuela d'Orellanita desenroó proyetus i esperencias educativas reconocías pola Junta d'Estremaúra i utoridais educativas, concediendu dos premius Joaquín Sama ala Innovación Educativa, otru Educación en Valores, Proyecto Lecto, etc.

Á defendíu el concetu de escuela roal de palabra i obra, disfrutandu dela esperencia de maestru, cosa que puei vel-si polos sus poemas.

Sin abandonal el contactu con el campu, trabajó tamién el campu delos pairis que él ereó ata que la edá se lo impidió.

Atividá literaria

Dendi siempri mostró interés pola escrivanía, de má que tien muchus relatus i poemas.

Es autol del libru Orellana la Vieja: Costumbres, juegos y travesuras, galerías de personajes. Tamién es cordinaol i ayuanti de El habla de Orellana, que ajuntó 3922 palabras.

De cá que entró nel grupu Diccionario extremeño, s'animó a escrevil en estremeñu, recordandu-si delas palabras delas Orellanas i d'otras que divan saliendu en el grupu. Muchas d'essas poesías están pubricás en el grupu, estuviendu agora a polí-las pa pubricá-las en libru.