Gonzalo Alonso Sánchez

Gonzalo Alonso Sánchez
Enhormación pressonal
Nacencia	7 de enero de 1927 ; Serradilla (España)
Muerti	18 de agosto de 1993 (66 años); Serradilla (España)
Nacionalidá	Española
Lengua materna	Estremeñu
Enhormación profissional
Oficiu	Escrevienti y Agricultol
	[editar datos en Wikidata]

Gonzalo Alonso Sánchez, agricurtol, comelcianti i pueta serraillanu.

Via

Gonzalo Alonso tuvu nacéncia ena villa cacereña de Serrailla el 7 eneru de 1927. Hizu los estuyus primárius ena su localiá natal i quandu moçu trebajó ena hesa familial “La Burrilla”. Destus tiempus escomiençan el su cebiqui pola puesia.

Gonzalo hue una pressona umildi que rehuyia de la bambolla. En 1951 contruju matrimoñu ansimesmu con una serraillana cona que veloí tuvun dozi ijus. Nesta epoca s’eicó al comélciu, anque no desatendió las tareas el campu comu agricurtol i ganaeru, prencipalmenti ena cria ganau lanal i vacunu. Amás, llevó junta el su gelmanu, Celestinu, el Cine Avenida.

Toas estas ativiais diban entrivolás cona puesia, afición que le llevó a fegural en numerosus revistas, pogramas festejus i librinus en via. No estanti no pubricó en via un libru conas sus composicionis poéticas.

Enfeneció ena su villa natal de Serrailla el 18 Agostu 1993.

Obra

Gonzalo cautivó la puesia i lo hizu veloí tamién nel estremeñu serraillanu. En via namás vidu la su obra espubricá en destintas revistas i pogramas fiestas, pero no sedria hata un añu endispués la su muerti, en 1994, quandu se pubricarun los sus escritus juntus: Obras completas de Gonzalo Alonso. Su obra canta a destintas cercustáncias la via diária rural sin descudial el espetu moralizanti i críticu. Puemas comu Fiesta de San Agustín u Tiempu de sementera án fegurau ena Primera Antología de Poesía Extremeña.