Mamaeña, relatos extremeños

Dendi Güiquipeya
(Rederihiu dendi Mamaeña)
Ir a la navegación Ir a la búsqueda
Mamaeña, relatos extremeños
Mamaeña en el Festivalino.jpg
Nombri orihinal Mamaeña, relatos extremeños
Autolis Miguel y Elisa Herrero Uceda
Héneru Relatus
Nacéncia el libru 2015

Mamaeña es un nuevu libru de relatus escritu en estremeñu por Miguel y Elisa Herrero Uceda [1] De mou que ajilandu p'alantri en la senda trazá por su primel libru de relatus Ceborrincho, estus autolis mos traen nuevas andanzas de los vivilis en los pueblus de l'Estremaúra polos añus cincuenta o sesenta [2], aquellus saberis d'antañu, las querencias, las costumbris, los presonajis con los sus aginaerus.[3][4]

Pasinu a pasu, los relatus se metin de llenu en esus mundus, velaí, d'andenantis; entri las carboneras que jumean en los clarus de las jesas[5], en la apurá y redia vía de los contrabandistas rayanus, en los enreus de los dagalinus, en los sentiris jondus de los pastoris de las majás, en la vendimia, en la boega, jadiendu vinu de pitarra... Quean en las mientis lo que era las sofoquinas y las ansionis a tentu de las sequías o el mieu a la truena que rundía las cosechas. Cavilan sobri la devoción de los campesinus implorandu a los santus patronis protectoris. Pos no te igu ná del güertu de las fantasías de cuandu nuevus con los sus pintorescus presonajis y el su graceju. Con este librinu se vivi, tamién, el mundu mágicu de los antruejus jurdanus, o el caminu que trujían los pimienterus, pimentonerus, labraoris, los colonus que jormarun aquella nacencia de pueblus blancus...[6]

Amás detrás de ca unu de estus relatus hay abondu labutu de campu, por mé de los cualis los autolis juerun yendu por los pueblinus parlandu, velaquili, con las presonas que juerun antigúus carbonerus, contrabandistas, pastoris o segaoris pa poel trazal, comu es debíu, tou esi mundu tan cercanu y tan lejanu de los nuestrus agüelus.[1]

Ca relatu emprencipia con unas palabrinas de un poeta, mayolmenti de poetas estremeñus, peru no solu estremeñus, pos ya lo tienin dichu los autolis "¿Pos comu se puei venil a levantal murus entri los poetas?"[7]. Las palabrinas de estus poetas vivirán en el propiu relatu: Gabriel y Galán, Luis Chamizo, Javier Feijoo, José Iglesias, Eladio San Juan, Antonio Herrero Alvarado, Asunción Delgado, Cruz Díaz Marcos, Federico Mayor Zaragoza, Ismael Carmona, Luis Martínez Terrón, Loren Fernández, Gonzalo Alonso Sánchez, Amelia Peco [8].

El filósofu y académicu Manuel Pecellín Lancharro ha dichu mentandu esti libru: Son doce las narraciones aquí reunidas, bajo un título procedente de la fusión de dos palabras (“mamá” y “Eugenia”), según llamaban en Ceclavín sus nietos a una agüela de la localidad. Esta mujer, sabia y dulce, funciona como la transmisora de todo un acervo etnográfico, tesoro en trance de extinción si escritores como los hermanos Herrero no consiguen conservarlo. El gran reto es conseguir hacer auténtica literatura escribiéndola toda de modo dialectal, sin incurrir en vulgarismos, recurriendo a ese rico cúmulo de palabras, muchas bellísimas y de origen clásico, imprescindibles para designar con precisión labores y útiles de la cultura agroganadera.(..) Estos “relatinus de Mamaeña” responden bien a los propósitos de sus creadores: mostrar el mundo, las costumbres, los saberes d'ogañazu. Vale la pena leerlos[9]

Tieni abondus santus originalis jechus por el artista Antonio José Herrero (Ton).

Otrus librus escritus por estos autolis son: Extremadura en el corazón, Mi Extremadura, Ceborrincho, relatos extremeños y El alma de los árboles.

Atijus[eital | eital coigu]

Huentis[eital | eital coigu]

  1. 1,0 1,1 Dos ceclavineros presentan la obra Mamaeña El Periódico de Extremadura. 19.04.2015
  2. J.R.N.G. "Ceclavín en los relatos de Mamaeña'. Diario Hoy. 20 agosto 2015
  3. Ceclavín, un nuevo libro profundiza en la cultura rural. El Periódico de Extremadura 13 septiembre 2015
  4. Festivalino de Pescueza 2015 Europapress 30.03.15
  5. Herrero Uceda, Miguel. "Carboneras de Pescueza". Revista Aceña, 2015
  6. Mamaeña. Elam Editores
  7. Herrero Uceda, Miguel y Elisa: Mi Extremadura. Elam editores. 2011
  8. Herrero Uceda, Miguel y Elisa: Mamaeña. Elam editores. 2015
  9. Pecellín, Manuel. Libre con libros. Relatinus. Diario Hoy 20.2.2016


Literatura en estremeñu

Autoris: José María Alcón OliveraJuan José CamisónIsmael Carmona GarcíaVicente CorralesCruz Díaz MarcosFrancisco Durán DomínguezJuan García GarcíaAniceto Garrido RetortilloJosé María Gabriel y GalánAntòniu Garríu CorreasPablo GonzálvezElisa Herrero UcedaMiguel Herrero UcedaEnrique Louzado MorianoLuis Martínez TerrónJosé Benito Mateos PascualAntonio Sánchez Gil

Obras: Al tentu la providénciaLa Cohtitución Ehpañola en EhtremeñuEl corral los mis agüelusEbanheliu sigún San HuanPrimera Gramática EhtremeñaPrimera Antología de Poesía ExtremeñaEl PrencipinuPan i vereaRequiloriosLos beneficios del teléfonoEl serano de las comadresLa nueva literatura en estremeñuLa nueva literatura en estremeñu 2Ceborrincho, relatos extremeñosMamaeña, relatos extremeños

Webs: BelsanaLa billota literáriaCúyu pan esgarras?EstremaWebGüiquipeyaLa gurullaOgañu

Guipal más endirguis al tentu...